Zaburi 2:4 - MUMA MALER 2015

⁴ Ruoth Nyasaye to nyierogi kobet e kome mar duong’ e polo.

Motingʼo Loko Manyien

⁴ To Jal mobet e kom loch e polo to nyierogi anyiera, Ruoth goyonegi siboi.

Zaburi 2:4 ပူးပေါင်းရင်းမြစ်များ

2 Ruodhi 19:21

omiyo osewuoyo kuom Senakerib kama: “In Senakerib, dala Sayun ochayi kendo jari! Ee, dala Sayun twenyoni ume!

Zaburi 11:4

Ruoth Nyasaye nie Hekalu mare maler, kendo en gi kom duong’ne e polo. Orango ji duto kendo oneno gik ma gitimo.

Zaburi 115:3

Nyasachwa ni e polo malo, kendo otimo gimoro amora modwaro.

Zaburi 123:1

A Ruoth Nyasaye in ema arangi, kating’o wang’a e polo kuma kom duong’ni nitie.

Zaburi 37:13

To Ruoth Nyasaye nyiero ng’at ma timbene richo, nikech ong’eyo ni obiro rumo piyopiyo.

Zaburi 53:5

To kihondko ma pok ginenoe nyaka nene biro makogi, nikech Nyasaye keyo choke joma kwede. Nologi chuth, mi giyud wichkuot, nikech Nyasaye osedagigi.

Zaburi 59:8

To in, Ruoth Nyasaye, inyierogi anyiera, kendo ikawo ogendini duto matin.

Zaburi 59:9

Yaye, lwandawa, in ema ageno kuomi. A Nyasaye, in e kar konyruokna.

Zaburi 68:33

Weruru ni Ng’ama ringo gi gache e kor polo ma nyaka nene. Winjeuru ka okok gi duol maduong’.

Ngeche 1:26

Omiyo ka uyudo chandruok, to ananyieru anyiera.

Isaya 40:22

ni Nyasaye obet e polo malo, kendo ni joma odak e piny chalone mana dede. Ok osewachnu kamano chakre chon? Koso pok uparo nyaka ne chue piny ni en ema ne oyaro polo mana ka pasia, kendo ogure mana ka hema midakie?

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 66:1

Ruoth Nyasaye wacho niya, “Polo e koma mar duong’, to piny e raten tienda. Kuom mano, ere kama dugernae ot? Koso ere kama dayueye?