Zaburi 143:2 - MUMA MALER 2015

² Kik iyala, an jatichni, nimar onge ng’ama kare e nyimi.

Motingʼo Loko Manyien

² Kik imi jatichni yud kum nimar onge kata ngʼato achiel matimo maber e nyimi.

Zaburi 143:2 ပူးပေါင်းရင်းမြစ်များ

Eklesiastes 7:20

Onge ng’ato kata achiel e piny ngima manyalo timo mana gik mabeyo lilo, ma ok oketho gimoro.

Jo-Rumi 3:20

Onge ng’ama nyalo bet e winjruok gi Nyasaye nikech osemako Chik, nimar tich Chik en mana miyo dhano ng’eyo ni oseketho.

Ayub 25:4

Bende nitie ng’at manyalo bet makare kata maler e wang’ Nyasaye?

1 Johana 1:10

To ka wawacho ni ok wasetimo richo, to wamiyo odoko jamriambo, kendo wachne onge e chunywa.

Jo-Galatia 2:16

To kata kamano, wang’eyo ni mako Chik Musa ok nyal miyo ng’ato bed e winjruok gi Nyasaye, to mana yie kuom Yesu Kristo ema miyo ng’ato bedo e winjruok gi Nyasaye. Wan bende waseyie kuom Kristo Yesu, mondo wabed e winjruok gi Nyasaye kuom yie, to ok kuom mako Chik, nimar Muma wacho ni, “Onge ng’ama nyalo bet e winjruok gi Nyasaye kuom mako Chik.”

Zaburi 130:3

Ka da bed ni isiko kiparo richo ma ji timo, to ere ng’ama dichung’ e nyimi?

Ayub 14:3

A Nyasaye, ng’at ma kamano bende dilokri, mi ing’i? Koso dikela e nyimi mondo iyala?

Ayub 15:14

Bende nitie ng’at maler chutho adier? Koso bende nitie ng’at malong’o e wang’ Nyasaye?

Ayub 4:17

‘Bende dhano nyalo bedo makare e nyim Nyasaye? Koso nitie ng’ato manyalo bedo maler e nyim Jachuechne?’

1 Ruodhi 8:46

“Ka gitimo gima isekwero, (nimar onge ng’ato ma ok kethi,) kendo ikecho kodgi, michiwogi e lwet wasikgi mondo otergi e tuech e piny wasikgigo, kuma bor kata kuma chiegni,

Wuok 34:7

Arito singruokna masetimo gi ji gana gi gana, kendo aweyonigi rochruokgi gi kethogi kod richogi, to kata kamano ok akwan jaketho ka ng’ama ler, to akumo nyithindo gi nyikwayo nyaka tieng’ mar adek kod mar ang’wen nikech richo kweregi.”