Zaburi 13:2 - MUMA MALER 2015

² Pod abiro bet kathagora gi rem nyaka karang’o’ ka kuyo opong’o chunya odiechieng’ gotieno? Wasika nobed gi loch kuoma nyaka karang’o?

Motingʼo Loko Manyien

² Abiro dhi nyime ka an gi pek manie pacha kod kuyo manie chunya odiechiengʼ kodiechiengʼ nyaka karangʼo? Wasika biro locho kuoma nyaka karangʼo?

Zaburi 13:2 ပူးပေါင်းရင်းမြစ်များ

Jeremia 8:18

“Akuyo ma ok anyal yudo kue, kendo chunya tuo.

Jeremia 15:18

Ere gima omiyo asiko ka an gi rem malit? Ang’o momiyo adhondena ok nyal chango? Koso idwaro bedona ka aora ma duono ndalo oro?”

Ywagruok 1:5

Wasike ema tinde oloye, kendo dhi nyime maber. Ruoth Nyasaye ema osekelone chandruok, nikech timbene mamono mokadho akwana. Wasike osemako nyithinde matindo, motero mabor e tuech.

Eklesiastes 5:17

Wadak e mudho, ka chunywa lit kendo ka waluor, bende ka wakecho kendo ka watuo.

Ngeche 15:13

Ka ng’ato mor, to obwonjo. Ka en gi parruok to chunye nyosore.

Ayub 10:15

Ka aketho, to alewo. To kata ka atimo maber, to ok ayud pak. Yaye, chunya lit, kendo wichkuot ohewa!

Jo-Filipi 2:27

Adier, notuo, mi both otho, to Nyasaye nokeche, to ok en kende ema ne okeche to an bende nokecha, mondo kik abed gi kuyo nyadiriyo.

Jo-Rumi 9:2

kendo Roho Maler bende nyisa ni awacho adier. An gi kuyo maduong’, kendo chunya lit pile nikech wach jowetena ma jo-Israel, ma gin joogandana kuom anywola.

Johana 16:6

to chunyu opong’ gi kuyo nikech asewachonu wechego.

Mathayo 26:38

Nowachonigi niya, “Chuny lit ma an-go lich, madwaro mana nega. Beduru ka, kukonya rito.”

Ywagruok 1:9

Chilo ma en go omienore e lepe, to ne ok odewo gima biro timore achien. Mano emomiyo podho mosepodhogo lich miwuoro, kendo onge ng’ama nyalo hoyo chunye. Oywagore niya, “A Ruoth Nyasaye, neye chandruok ma an-go, nimar wasika oselocho!”

Zaburi 116:3

Tho ne otueya gi tondene, kendo masiche mag liel nolwora. Parruok gi kihondko nomaka!

Zaburi 74:18

To par ineye A Nyasaye, kaka wasiki mofuwo jari.

Zaburi 74:10

A Nyasaye, wasikwa biro jarowa kuom kinde marom nadi? Koso gibiro yanyo nyingi nyaka chieng’?

Zaburi 42:4

Ka aparo gik mosekadho, to chunya chot, nimar aparo kaka ne atelo ni ji rumbi kane wadhi e od Nyasaye, kendo kaka oganda mamor ne wer, kendo pako Nyasaye matek.

Zaburi 31:18

Mak dho jomriambo ma josunga, ma wuoyo ka jaro joma kare.

Zaburi 17:9

mondo kik joricho monja, mi loya. Wasika olwora koni gi koni kamon koda malich!

Zaburi 10:18

Bende iwinjo ywak joma ithiro, gi ywak nyithi kiye, kendo ing’adonigi bura kare, mondo kihondko kik chak mi giring giwe miechgi.

Zaburi 9:6

Wasikwa orumo chuth, bende iseketho miechgi, kendo wich owil kodgi mochwere.

Zaburi 8:2

Pak ma nyithindo mayom, koda ka mago ma pod dhoth, pakigo, chopo nyaka e polo malo. Isegero kama otegno mondo isirgo wasiki, kendo mondo igeng’go joma mon kodi.

Zaburi 7:2

nikech ka ok ikonya, to ginyalo yudha ka sibuor, mi gitera kuma onge ng’ama diresae, kendo di gikidha kuno matindo tindo.

Nehemia 2:2

Ruoth nopenja ni “Ang’o momiyo isin, to ok ituo? Nyaka bed ni chunyi chandore.” Kane awinjo kamano, luoro nomaka.

1 Samuel 24:19

Ka ng’ato oyudo jasike, doweye mak onege koso? Emomiyo Ruoth Nyasaye mondo omiyi pok maber kuom tim misetimona kawuono.

1 Samuel 18:29

nomedo mana luore, mobedo jasike mochwere.

Luka 22:53

Pile ne an kodu e Hekalu, to ne ok umaka. To koro ma e sa maru, ka teko mar mudho tiyo.”

Jeremia 45:3

‘In iwacho ni tinde iol, nikech Ruoth Nyasaye osemedoni mana kuyo kuom thagruok ma in go. Bende iwacho ni iseywak miol, to ok iseyudo kue ngang’.’

Zaburi 38:17

Adier, achiegni podho, kendo rem osiko koda.

Zaburi 6:4

Bi mondo iwara! Yie iresa e tho, nikech herani mosiko.

Ywagruok 5:20

Ere gimomiyo ijwang’owa kuom ndalo mang’enygi? Bende wiyi diwil kodwa nyaka chieng’ koso?