Zaburi 127:2 - MUMA MALER 2015

² Bende onge tiende tiyo matek mondo uyud chiemo, kuchiew gokinyi mang’ich, kendo kudhi nindo molewo, nimar Ruoth Nyasaye ema miyo nindo tero ng’at mohero.

Motingʼo Loko Manyien

² In bende imondo chiewo chon kendo ineno nyaka sa molewo, kinyagori gi tich matek mondo iyud chiemo minyalo chamo; nimar Nyasaye miyo joge mohero nindo mokwe.

Zaburi 127:2 ပူးပေါင်းရင်းမြစ်များ

Ayub 11:18

Inidag gi kue nikech geno ma in go, kendo Nyasaye noriti, mi miyi yueyo.

Zaburi 3:5

Ariera piny, mi anindo, kendo achiew maber, nikech Nyasaye orita.

Zaburi 4:8

Sa asaya ma arierae piny, to nindo tera mos: A Nyasaye, in kende ema irita maber, omiyo adak gi kue.

Zaburi 60:5

Reswa gi tekoni, kendo winj lemowa, mondo joma ihero oyud konyruok.

Ngeche 10:22

Gueth moa kuom Ruoth Nyasaye ema kelo ni ng’ato mwandu, kendo mwandu makamano ok kel parruok.

Eklesiastes 1:14

Aseneno gik moko duto matimore e piny ka mi afwenyo ni gionge tich, mana ka yamo makadho.

Eklesiastes 4:8

En ngima ng’at modak kende maonge gi wuowi kata gi owadgi. Pile otiyo atiya matek, to mwandu moyudo ok rome. Openjore niya, “En ng’a ma atiyone matek, ka atuonora gik mabeyo ma onego acham?” Mano bende en gima nono, ma ok owinjore kata matin.

Eklesiastes 5:12

Jachan pile nindo mamit, kata obedo ni ochamo gima tin kata mang’eny. Gik mang’eny ma jamoko nigo to miyo oparore, ma ok onyal nindo.

Eklesiastes 6:7

Dhano tiyo matek mana ni mondo oyud gima ochamo, to eka ok oyud morome ngang’.

Jeremia 31:26

Kuom mano ji nowach niya, ‘Nindo noterowa, to ka ne wachiew ne wanwang’o ka chunywa oduogo.’

Ezekiel 34:25

Anatim kodgi singruok makelonigi kue, bende anatiek ondiegi duto e piny, mondo romba obed gi kue, ka kwayo e thim, kendo nindo aninda e bungu.