Zaburi 113:9 - MUMA MALER 2015

⁹ Oguedho dhako ma onge nyathi, mi oloke dhako mamor ma min nyithindo. Ruoth Nyasaye mondo opaki!

Motingʼo Loko Manyien

⁹ Omiyo dhako ma migumba bedo gi ode mi obed miyo mamor man-gi nyithinde. Opak Jehova Nyasaye!

Zaburi 113:9 ပူးပေါင်းရင်းမြစ်များ

Chakruok 25:21

Rebeka nodak aming’a kapok onywol, omiyo Isaka nolamone Ruoth Nyasaye mondo oyud nyathi. Ruoth Nyasaye nowinjo kwayone, mi Rebeka nomako ich.

2 Ruodhi 4:17

To bang’e nomako ich, monywolo wuowi e ndalo mane Elisha owacho.

Zaburi 68:6

En ema omiyo joma piny ochamo mier mondoo odagie, kendo ogonyo joma otue, oketo kama ber. Joma odage to nodag mana e piny motwo.

Isaya 54:1

Ruoth Nyasaye owacho niya, “Wer matek, in Jerusalem machalo gi dhako ma migumba mane ok onywol. Adier, kog gi mor, in michalo dhako ma pok muochh okayo, nikech dhako ma chwore oweyo nobed gi nyithindo mang’eny, moloyo dhako man gi dichwo.

Kwan 5:28

To ka dhakono ok osedwanyore kendo adier oler, to ok noyud hinyruok, to nonywol anywola maber.

Jo-Galatia 4:27

mana kaka Muma wacho niya, “In dhako ma migumba mane ok onywol, bed mamor! Ting’ dwondi ikog gi mor, in mane muoch ok okayi, nikech dhako ma chwore oweyo nobed gi nyithindo mang’eny, moloyo dhako modak gi chwore.”

1 Samuel 2:5

Joma ne yieng’ koro tiyo ni jomoko mondo oyud chiemo, to joma ne denyo koro yieng’. Dhako ma migumba onywolo nyithindo abiriyo, to en ma nyithinde ng’eny odong’ nono.