Zaburi 101:3 - MUMA MALER 2015

³ Adier, abiro bet mabor gi richo. Asin gi timbe joma weyo Nyasaye, kendo ok nariwra kodgi kata matin.

Motingʼo Loko Manyien

³ Ok abi yie neno gimoro amora mochido gi wengena. Achayo timbe joma chunygi richo; gik maricho ok adwar winjo kata gi ita.

Zaburi 101:3 ပူးပေါင်းရင်းမြစ်များ

Zaburi 119:37

Rita mondo kik adew gik manono, to bedna mang’won kaka ne isingori.

Ayub 31:1

“Ne asesingora ni ok narang nyako moro, mi agombi.

Ngeche 6:25

Kik chia ma mon-go nigo ywayi, kendo kik wengegi malombo miyi gombo.

Mathayo 5:28

An to awachonu ni, ka ng’ato orango dhako, mi ogombo, to oseterore kode e chunye.

Zaburi 40:4

Ng’at mogeno kuom Ruoth Nyasaye, kendo ma ok lam gik maket, bende ma ok riwre gi joma lamo nyiseche manono, en jahawi.

Wuok 20:17

“Kik igomb od ng’ato, kata chi ng’ato, kata misumba ng’ato, kata dher ng’ato, kata kanj ng’ato, kata gimoro amora ma ng’ato nigo.”

Rapar mar Chik 15:9

Kata dabed ni higa mar abiriyo miweyoe gope chiegni chopo, to kik ubed gi ich lit, mutamru miyogi gimoro. Jogo diywag ni Ruoth Nyasaye, mi dubed joricho.

2 Petro 2:21

Dine obedonigi maber ka dine ok ging’eyo yo makare, moloyo ng’eyogo, to bang’e gidok chien giweyo chik maler mane omigi.

Jo-Galatia 4:9

To koro kaka ung’eyo Nyasaye, (to moloyo onego awachi ni koro kaka Nyasaye ong’eyou,) ere kaka udok e timbe machon mag piny, manyap kendo modhiergo, mondo uchak ubed wasumbgi kendo?

Jo-Rumi 12:9

Herau mondo obed maonge miganga. Beduru mosin gi gik maricho, to sikuru kuom gik mabeyo.

Jeremia 22:17

In to ineno mana gigi iwuon. Inego joma onge ketho, kendo ithiro jogi gi gero. An Ruoth Nyasaye ema awacho kamano.”

Eklesiastes 6:9

En mana gima nono, ka yamo makadho! Emomiyo ber bedo mamor gi gik ma in go, moloyo gombo gik ma iongego.

Joshua 23:6

Omiyo timuru chir mondo uluw chike duto mondik e Kitap Chik mar Musa, mak ubaro korachwich kata koracham.

Jo-Hibrania 10:39

Wan to ok wan kuom jogo madok chien kendo lal, to wan kuom jogo moyie, kendo ma Nyasaye biro reso.

Zaburi 119:113

Amon gi joma nigi chuny ariyo, to ahero mana chikni.

Zaburi 78:41

Adier, ne gitemo Nyasaye kinde mang’eny, nyaka ne gimiyo Ng’ama Ler mar Israel okecho.

Zaburi 14:3

To giduto gisebayo yo, kendo gisedwanyore mana maromre. Onge ng’ato kuomgi matimo maber. Ooyo! Onge kata mana ng’at achiel.

Wuok 32:8

Piyopiyo nono giseweyo yo mane achikogi ni mondo giluw, mi giseloso nyaroch dhahabu mondo gilam. Gisekulorene, kendo gisetimone liswa, ka giwacho niya, ‘A jo-Israel, ma e nyasaye ma nogolowa e piny Misri.’ ”

Mika 2:2

Ka gidwaro lop ng’ato, to gikawo akawa gi thwon. To kata ka gidwaro udi, to mago bende gikawo akawa. Gimayo ji kata mana utegi kaachiel gi mwandugi, mi giwegi nono.

Isaya 33:15

Ng’atno nyaka bed mana ng’at ma timbene oriere, kendo ma wacho adiera, bende ma ok dwar mwandu miyudo gi malang’, kendo ma riembo asoya kucha, bende ma dino ite ni weche mag chwero remo, kendo ma umo wang’e ni timbe mamono.

Isaya 30:11

Baruru uwe yo moriere tir, mondo kik wachak wawinj wach Ng’ama Ler mar Israel.’ ”

Zaburi 39:1

Ne awacho niya, “Abiro ritora kuom gik ma atimo, mondo kik awach gimoro marach. Ok anawuo ka joricho ni machiegni.”

Zaburi 125:5

To chieng’ mikumoe joricho, to kum joma timbegi obam bende. Israel mondo obed gi kue!

Zaburi 97:10

A Nyasaye, ihero joma mon gi richo. Irito ngima jogi, kendo iresogi e lwet joricho.

Zaburi 78:57

mi giweye, kendo gindhoge mana kaka kweregi notimo. Ne gibaro mi giweyo yo, mana ka asere modir gi atung’ mobam, ma ok dimb gima onego ochiel.

Zaburi 36:3

Wechene richo kendo oting’o miriambo lilo. Rieko oselalne, omiyo ok onyal timo gimoro maber.

1 Samuel 15:11

“Chunya olokore kuom keto Saulo ruoth, nimar osedok chien ma ok oluwa, kendo ok osetimo gima nachike.” Mirima nomako Samuel, moywak ni Ruoth Nyasaye otienono duto.

Rapar mar Chik 13:17

To kik ukaw gimoro kata achiel kuom gik monego keth chuthgo, eka mirima mager mar Ruoth Nyasaye norum, mi notimnu ng’wono kendo nomi unya kaka nosingore ni kwereu.

1 Johana 2:19

Ne giweyowa nikech ne ok gin jowa, to ka dine gibed jowa, to dine gisiko kodwa. To ne giweyowa mondo ong’ere malong’o ni giduto ok gin jowa.

Zaburi 41:9

Koda ka osiepna ma ageno moloyo, kendo mane chiemo koda, bende oselokore jasika.

Zaburi 139:22

Mon ma amon go kodgi lich, kendo akwanogi ka wasika.

Ngeche 6:12

Ji manono ma joricho wuotho awuotha kawacho miriambo.

Ngeche 6:13

Seche duto gining’o wang’gi, kendo gisimo ji ka giwuondo.

Ngeche 8:13

Luoro Ruoth Nyasaye en bedo mamon gi richo. An amon gi sunga kod wang’teko, kaachiel gi timbe mamono kod weche mag miriambo.

Zekaria 8:17

Kik ng’ato chan timo gima mono ni wadgi, kendo kik ukuong’ru gi miriambo, nikech amon gi gik ma kamago duto. An Ruoth Nyasaye Manyalo Gik Moko Duto ema awacho kamano.”