Zaburi 10:9 - MUMA MALER 2015

⁹ Okiye kama opondoe mana ka sibuor. Ee, okiyo ng’at ma odwaro nego, ka ochike gi obadho nyaka omake, kendo oywaye kotere kuma odwaro.

Motingʼo Loko Manyien

⁹ Okiyo ji kokichore ka sibuor mopondo; okichore mar mako joma ok nyal mondo ohinygi, omako joma ok nyal kendo oywayogi oko gi tonde mar meko.

Zaburi 10:9 ပူးပေါင်းရင်းမြစ်များ

Zaburi 17:12

Gichalo sibuoche madwaro kidha matindo tindo, kendo gikiya mana ka nyithi sibuoche.

Zaburi 59:3

Ok aseketho, kata timo gimoro marach, to joma kwinygo chokore mondo omonja, kendo gikiya mondo ginega.

Mika 7:2

Ji moluoro Nyasaye oserumo e piny Israel, kendo onge kata ng’at achiel makare modong’. Ji duto kichore ni chuero remo, kendo ng’ato ka ng’ato chiko mana ni wadgi obadho.

Zaburi 35:10

Omiyo abiro wacho ni Ruoth Nyasaye gi chunya duto niya, “Onge ng’at moro machal kodi! Ireso joma nyap kuom joma rateke, bende ikonyo jochan kuom joma thirogi.”

Johana 10:12

Jakwath mondiki, ma ok jakwath ma wuon rombe, to ringo weyo rombe koneno ka ondiek biro. Kuom mano ondiek gore kuom rombe kendo keyogi.

Zekaria 11:3

Winjuru kaka jotelo ywak ka chunygi lit, nimar duong’ ma yande gin-go olal nono. Adier, winjuru kaka giywak ka sibuoche maruto nimar bung Jordan ma gidakie osekethi.

Habakuk 3:14

Wasikwa nobiro ka kalausi, kaparo ni biro tiekowa, mana kaka inyalo tieko ng’at modhier man kar kende. To kata kamano ne itiekogi mana gi gilwenjegi giwegi.

Amos 3:4

Koso sibuor bende ruto e bungu ka onge gima osemako? Kata nyathi sibuor nyalo ng’ur e gono adier, ka onge gima ochamo?

Ezekiel 22:29

Ji ajia bende wuondo ji kendo mecho. Gisando joma odhier kod jopinje mamoko modak kuomgi.

Ywagruok 3:10

Obutona mana ka ondiek kata ka sibuor mobuto kama opondo.

Isaya 32:7

Ng’at ma achach yorene richo. Ochano gik maricho e chunye, mondo ohiny joma odhier gi weche mag miriambo, kendo otamo jochan e adiera monego giyudi.

Isaya 3:15

Ere kaka unyalo hedhoru nyono joga kendo thiro joma odhier?” Mano en wach mar adier, ma Ruoth Nyasaye Manyalo Gik Moko Duto ema owacho.

Ngeche 28:15

Jatelo marach ma rito joma chandore chalo mana gi sibuor modenyo, kata ka ondiek ma kech nego.

Ngeche 22:16

Ka ithiro jochan mondo iyud mwandu, kata ka imiyo joma omew chiwo, to in ema ibedo jachan.

Ngeche 14:31

Ng’at ma sando jachan, to chayo mana Nyasaye mane ochueye, to ng’at ma kecho jachan ema miyo Nyasaye duong’.

Zaburi 140:5

Josunga osechikona obadho. Adier, giseyarona tonde e yo mondo amokie.

Zaburi 12:5

To Ruoth Nyasaye wacho niya, “Koro abiro biro nikech ithiro jochan, kendo joma isando chur malit nikech rem. Abiro miyogi kue ma gigombo.”

Tich Joote 23:21

To kik iyienigi, nikech nitie ji moloyo piero ang’wen ma biro butone. Gisekuong’ore ni ok ginyal chiemo kata madho gimoro kapok ginege. Adier, giikore mar timo kamano, kendo wachni ema girito.”

Habakuk 1:15

Jo-Babulon mako ji mana kaka jolupo mako rech gi olowu, kendo ywayogi gi tol ka mor.

Jeremia 5:26

Joga moko gin joma richo. Gichalo jodwar ma chiko obadho mondo omakgo winy, to ji ema gimako.

Zaburi 37:14

Joma timbegi richo wuodho ligangla, kendo ywayo atungego mondo oneggo jochan gi joma timbegi long’o.

Zaburi 109:31

nikech okonyo jochan, kendo ogologi e lwet jogo ma ng’adone buch tho.

Ayub 38:40

e kinde ma gipondo e gondgi?