Zaburi 1:3 - MUMA MALER 2015

³ Ochalo gi yath madongo e bath aora, manyago olemo e kinde mowinjore kendo ma pote ok ner. Gimoro amora motimo dhi maber.

Motingʼo Loko Manyien

³ Ochalo gi yien mopidhi e bath aora, manyago olembe e kinde molemo chieke, kendo ma bedene ok ner. Gimoro amora motimo dhi maber.

Zaburi 1:3 ပူးပေါင်းရင်းမြစ်များ

Chakruok 39:23

Jaduong’ od twech ne ok odewo rango gigo duto mane oseketo e lwet Josef, nimar Ruoth Nyasaye ne ni kod Josef kendo noguedhe e gik moko duto mane otimo.

Chakruok 39:3

Ruodheno noneno ka Ruoth Nyasaye ni kode, kendo guedhe e gik moko duto motimo.

2 Ruodhi 18:7

Kuom mano, Ruoth Nyasaye ne ni kode, kendo noguedho gik moko duto mane otimo. Nodagi bet e bwo loch Asuria,

1 Weche mag Ndalo 22:11

Koro wuoda, Ruoth Nyasaye ma Nyasachi obed kodi, kendo oguedhi, mondo igerne Hekalu, kaka nosingore.

1 Weche mag Ndalo 22:13

Inibed gi hawi mana kimako chik kod buche Ruoth Nyasaye mane Musa omiyo jo-Israel. Bed gi chir, kendo gi jing’o! Kik chunyi nyosre, kata kik ibed jaluoro.

2 Weche mag Ndalo 31:21

Tije duto ma notimo e Od Nyasaye notimo koluwo chik, kendo kodwaro Nyasaye gi chunye duto, mi noyudo gueth.

2 Weche mag Ndalo 32:23

Ji mang’eny nobiro Jerusalem, ka gikelo ni Ruoth Nyasaye mich, kendo Hezekia ruodh Juda bende ne gimiyo gik ma nengogi tek, kendo chakre kanyo ogendini duto nomiye duong’.

Ayub 14:9

to kowinjo much pi, to oloth mana ka yien mochako dongo.

Ayub 22:28

Gimoro amora michano timo, nodhi maber.

Zaburi 128:2

Iniyud gik moko duto misetiyonigi, bende inidhi maber, kendo inibed mamor.

Zaburi 129:8

Kamano ji makadho ok nyal wachonigi niya, “Waguedhou e nying Ruoth Nyasaye.” Kata ni, “Onego Ruoth Nyasaye guedhu.”

Zaburi 92:14

Pod ginyago olemo kata ka giseti, bende gisiko ging’ich kendo gitegno.

Zaburi 92:15

Mano nyiso ni Ruoth Nyasaye ma lwandana en jaadiera. Adier, tim moro marach onge kuome.

Isaya 27:11

Bende mon mamoto nojak bede yien motwo, ochwakgo mach. Mano notimre nikech ogandano onge gi rieko. Omiyo, Jachuechgi ok nokechgi. Adier, Ng’ama nochueyogi ok nong’wonnigi.

Isaya 3:10

Ng’at makare en jahawi, kendo gik moko duto dhine maber, nikech oyudo pok kuom gik mabeyo motimo.

Isaya 44:4

Ginidongi mana ka lum man kama ng’ich, kata ka yien manie bath aora.

Isaya 58:11

Ruoth Nyasaye ema nobed ka telonu pilepile, kokonyou kuonde motwo. Enomi dendu bed mojing’, mi uchal gi puodho mang’ich maber, kata ka soko ma pige ok duon.

Jeremia 17:8

nimar ochalo gi yath mopidh but aora, matero tiendene kochomo pi. Onge gima thage, kata ndalo oro, ma chieng’ rienyie mager, nikech pote osiko ka ng’ich ang’icha. Ok odew kata ka koth ok chue, to osiko konyago anyaga olemo.

Ezekiel 17:8

To chutho, yadh mzabibuno ne osepidh e lowo momew ma pi oromo, omiyo ne onyalo golo pote mathoth, kendo onyag olemo, mi obed yath maber ahinya.

Ezekiel 19:10

“Meru ne chalo gi mzabibu mopidhi e bath aora, motimo oboke mathoth, kendo manyak maber, nikech ne nitie pi mang’eny.

Ezekiel 31:5

Yadhno ne odongo marabora moyombo yien duto, kendo bedene ne boyo mokar madongodongo, nikech ne oyudo pi morome.

Ezekiel 47:12

E bath aora koni gi koni kit yien duto ma olembegi ichamo nodongie. Obokegi ok notwo, bende ok giniwe mak ginyago olemo, to ginibed ka ginyak due ka due, nikech pi ma giyudo mol ka wuok e Hekalu. Olemb yien-go ema ji nocham, to obokegi nothiedhruokgo.”

Kwan 24:6

Hembeu chalo gi yiend othidhe mopidhi e laini maboyo, kendo chalo gi puothe mae bath aora, kaka yien mabeyo ma Ruoth Nyasaye opidho, kendo kaka yiend sida mae dho pi.

Mathayo 13:6

Bang’e chieng’ nowuok, mowang’o cham mapod tindogo, kendo kaka tiendgi ne ok nyal donjo matut, ne gitwo piyopiyo.

Mathayo 21:19

Noneno ng’owo moro e bath yo, to kane osudo bute machiegni, ne ok oyudo olemo kuome, to mak mana pote kende. Omiyo nowacho ni yadhno niya, “Kik ichak inyag olemo kendo nyaka chieng!” Gikanyono ng’owono notwo.

Mathayo 21:34

To kane ndalo pono mzabibu ochopo, nooro jotichne ir jopurgo, mondo oomne olemo monego oyudi.

Mathayo 21:41

Ne gidwoke ni, “Enoneg jomarichogo gi nek marach, mi okaw puotheno omi jopur moko nono manyalo miye olemo monego oyudi e kinde ka kinde ma olemo ochiekie.”

Johana 15:6

Ka ng’ato ok obet kuoma to iwite oko, mana kaka iwito bad yath, mi two. Bede ma kamago ichoko, kendo iwito e mach, mi wang’.

Rapar mar Chik 28:8

Ruoth Nyasaye noguedh dereu kaachiel gii tich luetu duto e piny ma obiro miyou.

Juda 1:12

Jogi gin mbelni e sewni mutimo mag hera, ka gichiemo kodu maonge wichkuot. Gin jokwath maparo mana gin giwegi kende! Gichalo rumbi ma yamo riembo to ok kel koth, kendo gichalo yiend olemo ma ok nyagi e ndalo oro, kendo mopudh gi tiendgi, mi otho chuth.

Fweny 22:2

Ne omol e dier yor dalano, to e bath aora koni gi koni, ne nitie yath mar ngima manyago olembe kido apar gariyo. To olembego chiek due ka due, kendo pot yadhno ema ithiedhogo ogendini.