Zaburi 1:2 - MUMA MALER 2015

² Chik Ruoth Nyasaye ema miye mor, kendo opuonjore chikno odiechieng’ gotieno.

Motingʼo Loko Manyien

² To chik Jehova Nyasaye ema more, kendo osiko oparo kuom chikene odiechiengʼ gotieno.

Zaburi 1:2 ပူးပေါင်းရင်းမြစ်များ

Chakruok 24:63

Kane owuotho e pap godhiambo, nopo koneno ngamia moko kabiro.

Ezra 7:10

Ezra noseketo chunye kuom somo chik Ruoth Nyasaye kendo rito, kopuonjo jo-Israel buchego.

Ayub 23:12

Pile atimo mana gima Nyasaye ochiko. Adier, aluwo mana dwarone, to ok gik ma an ema adwaro.

Zaburi 104:34

Mad obed mamor gi wenda, nikech en ema omiyo abedo mail.

Zaburi 112:1

Pakuru Ruoth Nyasaye! Ng’at moluoro Ruoth Nyasaye, kendo marito chikene gi mor, en jahawi.

Zaburi 119:1

Joma onge ketho, kendo matimo kaka chik Ruoth Nyasaye dwaro, gin johawi!

Zaburi 119:11

Akano wachni e chunya, mondo kik akethi e nyimi.

Zaburi 119:35

Telna mondo awuoth kaka chikeni dwaro, nikech gin ema gimiya mor.

Zaburi 119:72

Chik mawuok e dhogi berna. Moloyo fedha gi dhahabu mogundho.

Zaburi 119:92

Ka dine ni ok chikni e kama morna wuokie, to dikoro kum mikumago osenega.

Zaburi 40:8

Amor ahinya ka atimo gima idwaro. Ee, akano chikni e chunya.”

Zaburi 88:1

A Ruoth Nyasaye ma Jawarna, aywakni odiechieng’ gotieno duto pile.

Jeremia 15:16

Ne iwuoyo koda, mi awinjo wecheni duto. A Ruoth Nyasaye Manyalo Gik Moko Duto, an ng’ati, omiyo wecheni opong’o chunya gi mor kod ilo.

Luka 18:7

Koro donge Nyasaye nong’ad bura kare ni joge moyier, maywakne odiechieng’ gotieno? Uparo ni dodeki mak okonyogi koso?

Luka 2:37

to bang’e nobet chi liel nyaka odoko ja higni piero aboro gang’wen. Ne osiko komiyo Nyasaye duong’ e Hekalu odiechieng’ gotieno, kotueyo chiemo kendo olemo.

Jo-Rumi 7:22

E chunya maiye to amor gi Chik Nyasaye,

1 Jo-Thesalonika 2:9

Owetewa, parieuru kaka ne watiyo matek kwachandore. Kane walandonu Wach Maber mar Nyasaye to ne watiyo odiechieng’ gotieno ni gik mwachando, mondo kik wami ng’at moro kuomu ting’ mapek.

1 Timotheo 4:15

Tim gigo gi chunyi duto mondo ji one kaka idongo e yore duto.

2 Timotheo 1:3

Alemoni pile, odiechieng’ gotieno, kendo ka alemo to agoyo erokamano ni Nyasaye ma atiyone ka parona liw, kaka kwerena bende notiyone.

Joshua 1:8

Kik wiyi wil gi Kitap Chikno, to nyaka isome odiechieng’ gotieno, kendo ine ni iluwo chik duto mondikie. Eka inidongi, kendo noguedh gik moko duto mitimo.

1 Johana 5:3

nikech hero Nyasaye en mako chikene. Chike Nyasaye ok tek rito,