Ywagruok 5:3 - MUMA MALER 2015

³ Wachalo gi nyithindo makiye, maonge gi wuonegi. Minewa bende chalo mond liete.

Motingʼo Loko Manyien

³ Wasedongʼ kiye, to minewa chalo mon ma chwogi otho.

Ywagruok 5:3 ပူးပေါင်းရင်းမြစ်များ

Wuok 22:23

Ka uthagogi, mi giywakna mondo akonygi, to anawinjgi,

Wuok 22:24

kendo anakech kodu, mi anakel lweny ma unuthoe. Kamano mondu nodong’ mond liete, kendo nyithindu nobed kiye.

Jeremia 15:8

Ne anego chwo mang’eny, mi ubedo gi mond liete mathoth ka kuoyo mae dhonam ne anego yawuotu godiechieng’, mi akelo ne minegi kuyo.

Jeremia 18:21

To koro Ruoth Nyasaye, we kech oneg nyithindgi, kendo we githo e lweny. Joma chwo gi nyithindo mondo otho, kendo mon mondo odong’ mond liete, kendo maonge nyithindo. Tuoche mondo oneg jodongo, to yawuowi mondo otho e lweny.

Hosea 14:3

Jo-Asuria ok nyal resowa, bende ok wanadwar geche mag lweny mondo waidhi. Ok wanachak wawach ni gik mwaseloso gi lwetwa niya, ‘Un e nyisechewa.’ A Ruoth Nyasaye, in ema itimo ng’wono ni joma onge ng’ama konyogi.”