Ywagruok 5:1 - MUMA MALER 2015

¹ A Ruoth Nyasaye, parie gima osetimorenwa! Rangwa mondo ineye kaka wiwa okuot malit.

Motingʼo Loko Manyien

¹ Yaye Jehova Nyasaye, parie gima osetimorenwa; rangwa mondo ineye wichkuot ma wan-go.

Ywagruok 5:1 ပူးပေါင်းရင်းမြစ်များ

Habakuk 3:2

A Ruoth Nyasaye, asewinjo humbi, kendo timbeni miya luoro. Chak itim timbeni machon mana e ndalogi, kendo kata obedo ni ikecho kamano to ng’wonnwae.

Ywagruok 3:61

A Ruoth Nyasaye isewinjo ayany ma giyanyago, kaachiel gi gik maricho mane gichano timona.

Ywagruok 3:19

Ka aparo thagruok kod kuyo ma an-go, to litna malich.

Ywagruok 2:15

Yaye Jerusalem, ji duto makadho buti pamo lwetgi ka seyi. Gisicho, kendo gitwenyo umgi, ka gipenjore niya, “Adier, ma e dala ma ji luongo ni ‘Dala Maberie Moloyo’, kendo ni, ‘Dala Makelo Mor Ni Piny Ngima.’ ”

Jeremia 15:15

Jeremia nodwoke niya, “Ruoth Nyasaye, in ing’eyo weche duto, omiyo para kendo ikonya. Chul kuor ni joma sanda. Kik iwegi, nono to ginega. Ng’e ni giyanya nikech in.

Zaburi 79:12

Ruoth, chul kuor ni ogendini mamokogo nyadibiriyo kuom achaya ma gichayigo.

Zaburi 79:4

Ogendini mokiewo kodwa goyonwa siboi, ka nyierowa kendo jarowa.

Nehemia 4:4

“A Nyasachwa, winjie kaka gijarowa. Dwok ayanygi e wigi giwegi, kendo itergi e piny mabor ka joma otue ma ji jaro.

Luka 23:42

Eka nowacho ni Yesu niya, “Para, chieng’ miyudoe lochni.”

Ywagruok 2:20

Yaye Ruoth Nyasaye, rang mondo ineye joma isesando malit! Bende mon dicham nyithindgi ma giserito maber? Koso jodolo gi jonabi dineg adier e Hekalu mari?

Ywagruok 1:20

A Ruoth Nyasaye neye kaka anie chandruok malit! Chunya chandore, kendo iya nyawni, nikech asepiem kodi marach ahinya. Lweny nego ji oko e thim, mana kaka tho bende neko dala e udi, kendo nyithindo dong’ kiye.

Ayub 10:9

A Nyasaye, par ni ne ichweya kuom lowo, to bende didwoka e lowo adier?

Ayub 7:7

A Nyasaye, par ni ngimana chalo yamo, kendo morna oserumo.

Nehemia 1:8

To yie ipar gima ninyise, kiwacho niya, ‘Kuketho chikna, to anakeu e kind ogendini.

Nehemia 1:3

Ne gidwoka niya, “Joma nodong’ e pinyno, koa e tuech koro oneno thagruok gi wich kuot maduong’. Ohinga mar Jerusalem osemuki, kendo dhorangeyene duto osewang’ gi mach.”

Zaburi 119:153

Neye kaka achandora, kendo yie iwara, nikech wiya ok osewil gi chikni.

Isaya 62:6

A Jerusalem, aseketo jorit e ohinga mari. Ok giling’ odiechieng’ gotieno duto. Awachonigi niya, “Un joma paro ni Ruoth Nyasaye wach, kik uyue!

Ywagruok 3:50

nyaka chop Ruoth Nyasaye rang piny gie polo, mi ne chandruokna.

Zaburi 74:18

To par ineye A Nyasaye, kaka wasiki mofuwo jari.

Jeremia 51:51

Uwacho niya, ‘Ji oseyanyowa, omiyo wiwa okuot, nikech jopinje mamoko osedonjo kuonde maler mag Hekalu.’

Ywagruok 1:9

Chilo ma en go omienore e lepe, to ne ok odewo gima biro timore achien. Mano emomiyo podho mosepodhogo lich miwuoro, kendo onge ng’ama nyalo hoyo chunye. Oywagore niya, “A Ruoth Nyasaye, neye chandruok ma an-go, nimar wasika oselocho!”

Ywagruok 1:11

Jo-Jerusalem duto ywagore ka kwayo chiemo. Giloko mwandugi mondo giyudgo chiemo, odwoknigi tekregi. Dala Jerusalem wacho niya, “A Ruoth Nyasaye, rang ineye kaka ikwana ka gima nono!