Ywagruok 4:9 - MUMA MALER 2015

⁹ Ji mane otho e lweny ne johawi, moloyo joma ne kech oywayo monego, kaonge gima cham.

Motingʼo Loko Manyien

⁹ Joma notho e lweny ber moloyo jogo ma kech onego; kech chamogi ma gidhero nikech cham onge e puothe.

Ywagruok 4:9 ပူးပေါင်းရင်းမြစ်များ

2 Ruodhi 25:3

Koro kech ne lich e dalano, kendo ji ne onge gi chiemo chuth.

Wuok 16:3

ka giwacho niya, “Mad ne Ruoth Nyasaye negwa e piny Misri, kuma ne wanyalo betie piny gi tap ring’o e nyimwa, mwachiem mana kaka wadwaro. To koro usekelowa e thimni mondo kech onegwa waduto!”

Isaya 22:2

Yaye, in dala ma ji goyoe mahu, kendo ma koko opong’o, bende ok ginitho e lweny.

Jeremia 16:4

Tuoche maricho biro negogi, to onge ng’ama noywaggi, bende ok noyikgi. Ginidhurre pidhe pidhe mana ka owuoyo miolo e puothe. Moko notho e lweny to moko kech nonegi, kendo winy gi ondiegi nocham ringrergi.

Ezekiel 24:23

Bende ok unutim timbe ywak ma ji timo pile, kaka wuotho gi wich nono, kata wuotho gi tielo nono. Ok unuywagi, kendo pi wang’u ok nochuer. Dendu nodhi adhiya mosmos nikech richou, kendo unuywagru e chunyu, ng’ato ka ng’ato gi wadgi.

Ezekiel 33:10

Ruoth Nyasaye nowachona niya, “Wuod dhano, jo-Israel ywagore ni kethogi kod richogi turogi, kendo ni dendgi dhi adhiya. Gipenjore kaka digiyud ngima.

Ezekiel 4:16

Bang’e nowacho niya, “Wuod dhano, abiro miyo chiemo bed mamit Jerusalem. Ji nopim chiemo ma gichamo ka parore. Pi ma gimodho bende ginipim ka gidhier nono.

Ezekiel 7:15

Lweny gore oko, to tuo kod kech nie mier. Ng’ato ka ng’ato man oko biro tho e lweny. Joma nie mier to tuo gi kech biro nego.

Tim jo-Lawi 26:39

Jou modong’’ ka ngima e pinje mag wasiku nobed ka dendgi dhi adhiya nikech richogi, kendo nikech richo mag kweregi, mana kaka notimore ni kweregi.

Rapar mar Chik 28:51

Ginicham jambu gi chambu, ma ok giweyonu cham kata divai kata mo kata mana chiayo moro kuom jambu nyaka urum.