Ywagruok 4:7 - MUMA MALER 2015

⁷ Jodong joga yande nigi ngima maber. Dendgi yande pichni kendo leny ka mo,

Motingʼo Loko Manyien

⁷ Jotendgi ne ler marieny moloyo pe kendo rachar maloyo chak, dendgi ne pichni moloyo mo; kendo nenruok margi ne chalo gi kidi ma nengone tek.

Ywagruok 4:7 ပူးပေါင်းရင်းမြစ်များ

Zaburi 51:7

Golna richona, eka abed maler, kendo lwoka mondo abed matar moloyo pe.

Wer Mamit 5:10

“Jaherana jaber kendo ratego. En ema onenore kata kuom ji gana apar.

Zaburi 144:12

Yawuotwa ma pod tindo, onego chal gi yien madongo motegno. Nyiwa bende onego ochal gi kite mopa, ma licho od ruoth.

1 Samuel 16:12

Mi nooro ng’ato mokele e nyimgi. Ne en wuowi ma silwal, kendo man gi chia. Eka Ruoth Nyasaye nowacho ni Samuel niya, “Chungi, iwire gi mo, nikech jali e en.”

Daniel 1:15

To kane ndalogo orumo, ne ginenore machwe kendo man gi teko moloyo yawuowi mane chamo chiemb od ruoth.

Jong’ad Bura 16:17

Omiyo nohulone adiera, konyise niya, “Nyaka ne nywola mirich pok okayo wiya, nikech an ja-Nazir, ng’at mowal ni Nyasaye. Koliela, to tekona dirum, kendo anyalo bedo mana machalre gi ji mamoko.”

Jong’ad Bura 13:7

Nowachona ni abiro mako ich, kendo nywolo nyathi ma wuowi, omiyo koro kik amadh divai, kata gimoro mamero ji, kata kik acham chiemo makuero, nikech nyathino biro bedo ja-Nazir, ng’at mowal ni Nyasaye, chakre chieng’ nywolne nyaka chieng’ thone.”

Jong’ad Bura 13:5

nikech ibiro mako ich, kendo nywolo nyathi ma wuowi. Mirich kik ka wiye, nikech chakre chieng’ monywole, nobed ja-Nazir, ng’at mowal ni Nyasaye. En ema nokwong kedo gi jo-Filistia mondo ores jo-Israel e lwetgi.”

Luka 1:15

nimar enobed ng’at maduong’ e nyim Ruoth Nyasaye. Ok nomadh kong’o kata gimoro amora ma mero ji, kendo chakre nywolne enobed kopong’ gi Roho Maler.

Wuok 24:10

Nochung’ ewi gima chalo gi laro molos gi kit ombo marieny mana ka polo.

Ayub 28:16

bende dhahabu maler kata kite ma nengogi tek ok nyal romo gi nengone.

Ayub 28:18

Nengo mar rieko tek moloyo kite mabeyo duto ma nengogi tek,

Wer Mamit 5:15

Ogwendene chalo gi sirni molos gi kite mag ombo, mochom e rachungi mag dhahabu maler. Ka inene, to omiyo igamo yueyo, mana ka ng’ama oneno got Lebanon motimo yiend sida mabeyo.