Ywagruok 3:2 - MUMA MALER 2015

² An e jal mane oriembo, mi ochuno mondo owuothi e mudho mandiwa.

Motingʼo Loko Manyien

² Oseriemba mabor kendo miyo awuotho e mudho kar wuotho e ler;

Ywagruok 3:2 ပူးပေါင်းရင်းမြစ်များ

Ayub 18:18

Ibiro riembe e piny ma ji odakieni, mi oa e ler, odhi e mudho.

Ayub 30:26

Ne ageno yudo mor kod ler, to thagruok kod mudho ema ne obirona.

Isaya 59:9

Mano ema omiyo adiera bor kodwa, kendo tim makare ok chop kuomwa. Wagombo mondo wane ler, to mudho lilo ema waneno. Adier, wadwaro mondo piny oru, to mudho mandiwa ema wawuothoe.

Jeremia 13:16

Miuru Ruoth Nyasaye ma Nyasachu duong’, ka pok okelo mudho, mi uchwanyoru e gode gotieno, kendo kapok oloko ler mugenono mudho mandiwa.

Jeremia 4:23

Bang’e narango piny, maneno ni onge gi kido. Polo bende ne onge gima rienyie.

Ywagruok 2:1

Mano mudho mandiwa manade, ma Ruoth Nyasaye osekumogo Sayun, ka iye owang’! Hekalu mar Israel, ma duong’ne yande otundo nyaka e polo, osewito piny, chieng’ bura, ka ok oparo ni en raten tiende.

Rapar mar Chik 28:29

Unubed kumulo godiechieng’, mana kaka muofu mulo, kendo ok nuchop kuma udwaro dhiyoe. Nothiru kendo noyaku e ngimau duto, kendo onge ng’at ma nokonyu.

Juda 1:13

Bende ka gitimo timbegi mag wichkuot, to gichalo apaka mager mag nam mathuogo buoyo, kendo gichalo sulue moweyo yorgi, ma mudho mandiwa ema okannigi nyaka chieng’.

Juda 1:6

Malaika mane okalo tong’ mar teko momigi, mi oweyo kuma onego gibedie, bende Ruoth oseketo e mudho, kotue mochwere gi nyororo, nyaka chop ng’ad buchgi, Chieng’ Maduong’.