Ywagruok 2:4 - MUMA MALER 2015

⁴ Oseywayo atung’e ka omako matek gi bade ma korachwich, mana ka jasigu. Osenego joma beyo duto mwahero, mi oolo mirimbe mager ka mach kuom jo-Sayun.

Motingʼo Loko Manyien

⁴ Oseywayo atungʼe mar kedo gi joge mana ka gima gin wasike. Kaka jasigu neko, osenego jogo duto mane nenore mabeyo e wangʼ, kendo oseolo mirimbe oko ka mach kuom hemb Nyar Sayun.

Ywagruok 2:4 ပူးပေါင်းရင်းမြစ်များ

2 Weche mag Ndalo 34:21

“Dhiuru upenj Ruoth Nyasaye wach ma kuoma, gi man kuom jo-Isarel gi jo-Juda modong’, kor wach weche manie kitabu mwaseyudoni. Nyaka bed ni Ruoth Nyasaye okecho kodwa malich, nikech kwerewa ne ok orito wachne, kata timo gik moko duto mondiki e kitabunii, bende ne ok gitimo.”

2 Weche mag Ndalo 34:25

Ne gikwinya gi timbegi, ka giweya, kendo ka giwang’o ubani ni nyiseche manono. Emomiyo akecho kodgi, kakumogi nyaka chieng’.’

Ayub 19:11

Nyasaye osekecho koda malich, kendo omon koda mana ka jasike.

Ayub 6:4

Nyasaye Manyalo Gik Moko Duto osechiela gi aserni mage, kendo kwichgi landore e denda duto. Adier, masiche moa kuom Nyasaye olwora koni gi koni.

Zaburi 37:14

Joma timbegi richo wuodho ligangla, kendo ywayo atungego mondo oneggo jochan gi joma timbegi long’o.

Zaburi 7:13

Okawo gige mager mag lweny, kendo ochielo aserini mage maliel mach.

Isaya 42:25

Mano ema omiyo noolo mirimbe mager kuom jo-Israel, kokelonigi lweny maliet ka mach. Ne olworogi gi mach koni gi koni, to ne ok giwinjo tiend kumno. Adier, ne orewogi, to kata kamano ne ok gidewo.

Isaya 63:10

To kata kamano, ne gidagi lochne, mi gimiyo Roho mare maler okuyo, eka ne olokore jasikgi, mi okedo kodgi en owuon.

Isaya 63:6

Ne anyono ogendini piny ka akecho. Ee, ne atong’ogi atong’ogi, mi rembgi obubni piny.”

Jeremia 10:20

Hembewa osekethore chuth, kendo tonde mane otuegigo osechot. Yawuotwa duto osea modhi mabor, koro onge ng’ama odong’ ma dichak gurnwa hembewa, bende onge ng’ama nyalo lieronwa rageng’ni maggi.”

Jeremia 21:12

Timuru gik makare pile. Konyuru ng’at ma ithiro e lwet joma thire, ka ok kamano, to timbeu maricho biro wang’o iya, ka mach ma ok nyal negi.

Jeremia 21:5

An awuon abiro kedo kodu ka iya owang’, kendo ka an gi mirima mager.

Jeremia 30:14

Osiepeu duto oseweyou, kendo tinde ok gidewu. Asemonjou mana ka jasigu, kendo useyudo kum mager nikech richou mang’eny, bende nikech timbeu maricho lich.

Jeremia 36:7

Kamoro dipo ka gilamo Ruoth Nyasaye, mi gilokore giweyo yoregi maricho, nimar osesiemogi ni obiro kumogi gi mirimbe mager.”

Jeremia 4:4

Un jo-Juda gi jo-Jerusalem, rituru singruokna, kendo timuru gik madwaro, nono to gik maricho musetimo biro miyo mirimba liel ka mach ma onge ng’ama nyalo nego.’

Jeremia 42:18

“Ruoth Nyasaye ma Nyasach Israel wacho niya, ‘Kapo ni udhi e piny Misri, to abiro olo mirimba kuomu, mana kaka ne aolo mirimba kuom jo-Jerusalem. Unulokru gima bwogo ji, kendo ji nobed kajarou, mi giluong nyingu ka gima okuong’. Bende ok nuchak une kaeri kendo.’ ”

Jeremia 7:20

Emomiyo an Ruoth Nyasaye, abiro olo mirimba mager ka eri. Abiro ologi kuom ji kendo kuom jamni, to bende abiro ole kuom yien gi cham. Mirimba biro chalo gi mach mager, ma ng’ato ok nyal nego.”

Ywagruok 1:13

Ne ooro mach gie polo modonjo e chokena. Nochiko obadho momako tiendena, mi odwoka chien. Oseweya ka adong’ kenda, ka tuo ramo denda odiechieng’ duto.

Ywagruok 2:5

Adier, Ruoth Nyasaye oselokore jasigu, mi otieko Israel. Osemuko udi madongo duto, kendo mier mochiel motegno oduoko piny, bende osekelo ni Jerusalem kuyo kod ywagruok.

Ywagruok 3:3

An ema osanda kinde duto odiechieng’ ngima.

Ywagruok 4:1

Mano kaka dhahabu ochido, kata mana dhahabu maberie moloyo! Kite mag Hekalu okere e akek yore duto.

Ywagruok 4:11

Ruoth Nyasaye ne oolo mirimbe mang’eny ka iye owang’, mi omoko mach kuom Sayun mowang’o mise mage duto.

Ezekiel 13:13

Koro Ruoth Nyasaye wacho niya, “Abiro kelo yamb ahiti, ka an gi mirima mager, mi koth maduong’ kod pe madongodongo noketh ohingano chuth.

Ezekiel 20:34

Adier, ka agolou e pinje mane akeyoue, mi achokou kanyakla, to abiro nyisou tekona maduong’ kod mirimba mager!

Ezekiel 22:22

Ibiro lenyou Jerusalem mana kaka ilenyo fedha e karaya, mi unung’e ni an Ruoth Nyasaye ema akumou gi mirimba mager.”

Ezekiel 24:25

“Wuod dhano, abiro mayogi Hekalu motegno mane gisungorego kendo ma miyogi mor, mane gihero rango kendo donjoe. Bende anamagi yawuotgi kod nyigi.

Ezekiel 36:18

Ne akumogi gi mirimba mager, nikech remo mane gichuero e pinygi, kod nyiseche manono mane gidwanyorego.

Ezekiel 5:13

To ka asetieko kumou gi mirimba mager kamano, mi achulonu kuor, to mirimba noto, mi abed gi kue mos. Bang’e unung’e ni an Ruoth Nyasaye ema asewuoyo kodu ka chunya lit nikech useweya.

Ezekiel 6:12

Joma ni kuonde maboyo, tuo ema noneg, to man machiegni notho e lweny. Mago modong’ to kech ema nonegi. Kamano anakumgi gi mirimba mager.

Ezekiel 7:14

Tung’ ywak, kendo ji duto ikore, to onge ng’ama dhi e lweny, nikech mirimb Ruoth Nyasaye biro lwar kuom ji duto machalre.

Tim jo-Lawi 26:17

Anabed mosin kodu, mi wasiku nonegu. Unubed e bwo loch joma mon kodu, kendo unubwogru gi ng’wech kata ka onge joma lawou.

Nahum 1:2

Ruoth Nyasaye en Nyasaye ma janyiego kendo ma jachul kuor gi mirimbe mager. Okano mirima e chunye mondo ochulgo ni wasike kuor.

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Rapar mar Chik 32:22

Mirimba osemoko mach! Mawang’o piny kaachiel gi gik manyakie, kendo owang’o mise mag gode, bende ochopo kata kar joma otho e liel piny.

1 Samuel 28:16

Samuel nowachone niya, “Marang’o ipenja, kobedo ni Ruoth Nyasaye oseweyi, modoko jasiki?