Ywagruok 2:3 - MUMA MALER 2015

³ Kane iye owang’, to ne onego joma rateke duto mag Israel, kendo kane wasigu biro, to ne ok okonyogi gi tekone maduong’. Oseliel e piny joka Jakobo ka mach mawang’o gik moko duto man bute.

Motingʼo Loko Manyien

³ Osetieko teko mar jo-Israel gi mirimbe mager, kendo osejwangʼogi e lwet wasikgi. Osewengʼo ka Jakobo kaka mach mager makakni ma wangʼo gik moko duto molwore.

Ywagruok 2:3 ပူးပေါင်းရင်းမြစ်များ

2 Weche mag Ndalo 34:25

Ne gikwinya gi timbegi, ka giweya, kendo ka giwang’o ubani ni nyiseche manono. Emomiyo akecho kodgi, kakumogi nyaka chieng’.’

Ayub 16:15

Aywak kendo arwako pien gugru, bende abet abeta e buru ka wiya okuot.

Zaburi 132:17

Kanyo ema naketie nyakwar Daudi moro ruoth maduong’. Adier, kanyo ema nyikwa ruoth ma aseyiero biro bedoe gi loch.

Zaburi 74:11

Ere gima omiyo itamori konyowa? Koso ang’o momiyo ing’wonyonwa lweti?

Zaburi 75:10

Enotiek teko joricho, to teko mar joma kare nomedre ameda.

Zaburi 75:5

Ee, awachonigi giduto mondo giwe timbegi mag sunga gi mag tok teko.”

Zaburi 79:5

A Nyasaye, ibiro kecho kodwa nyaka karang’o? Koso mirimbi biro siko ka liel ka mach nyaka chieng’?

Zaburi 89:24

Pile abiro here, kendo abiro bedone mang’won, bende abiro miye locho.

Zaburi 89:46

A Ruoth Nyasaye, ibiro pando wang’i nyaka karang’o? Koso ibiro pondo nyaka chieng’? Nyaka karang’o ma mirimbi biro wang’ie ka mach?

Isaya 1:31

Ng’at ma rategoe moloyo nochal oswekle, kendo timbeu mamono ema nodok pilni mach, mi un uwang’ kaachiel gi timbeu, ma onge ng’ama nego majno!”

Isaya 42:25

Mano ema omiyo noolo mirimbe mager kuom jo-Israel, kokelonigi lweny maliet ka mach. Ne olworogi gi mach koni gi koni, to ne ok giwinjo tiend kumno. Adier, ne orewogi, to kata kamano ne ok gidewo.

Jeremia 21:14

To an Ruoth Nyasaye abiro kumou mana maromre gi kethou. Abiro wang’o od ruodhu gi mach ma nowang’ gik moko duto machiegni kode. An Ruoth Nyasaye ema awacho kamano.”

Jeremia 4:4

Un jo-Juda gi jo-Jerusalem, rituru singruokna, kendo timuru gik madwaro, nono to gik maricho musetimo biro miyo mirimba liel ka mach ma onge ng’ama nyalo nego.’

Jeremia 48:25

Duong’ mar Moab oseng’iny matinditindo, kendo tekone osekethi. An Ruoth Nyasaye ema awacho kamano.

Jeremia 7:20

Emomiyo an Ruoth Nyasaye, abiro olo mirimba mager ka eri. Abiro ologi kuom ji kendo kuom jamni, to bende abiro ole kuom yien gi cham. Mirimba biro chalo gi mach mager, ma ng’ato ok nyal nego.”

Ywagruok 1:13

Ne ooro mach gie polo modonjo e chokena. Nochiko obadho momako tiendena, mi odwoka chien. Oseweya ka adong’ kenda, ka tuo ramo denda odiechieng’ duto.

Ywagruok 4:11

Ruoth Nyasaye ne oolo mirimbe mang’eny ka iye owang’, mi omoko mach kuom Sayun mowang’o mise mage duto.

Ezekiel 13:13

Koro Ruoth Nyasaye wacho niya, “Abiro kelo yamb ahiti, ka an gi mirima mager, mi koth maduong’ kod pe madongodongo noketh ohingano chuth.

Ezekiel 7:14

Tung’ ywak, kendo ji duto ikore, to onge ng’ama dhi e lweny, nikech mirimb Ruoth Nyasaye biro lwar kuom ji duto machalre.

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Luka 1:69

Osekelonwa Jawar maratego, moa e dhood Daudi jatichne, mana kaka nosingore.

Luka 3:17

Bende en gi rapiedhi e lwete mondo opiedhgo cham duto maler, kokano cham e deche, to mihudhi owang’o e mach ma ok tho.”

Rapar mar Chik 32:22

Mirimba osemoko mach! Mawang’o piny kaachiel gi gik manyakie, kendo owang’o mise mag gode, bende ochopo kata kar joma otho e liel piny.