Ywagruok 1:2 - MUMA MALER 2015

² Oywak malit otieno duto, ka pi wang’e ridore e lembe. Kuom joherane duto, onge ng’ama nyalo kueyo chunye. Osiepene duto osendhoge, mi odoko wasike.

Motingʼo Loko Manyien

² Oywak malit gotieno, pi wangʼe ridore e lembe. Kuom joherane duto, onge moro manyalo hoye. Osiepene duto osendhoge kendo gisebedo jowasike.

Ywagruok 1:2 ပူးပေါင်းရင်းမြစ်များ

Ayub 6:15

To un osiepena, uwuonda mana ka aore maduono ka koth ongee.

Ayub 7:3

Kamano e kaka atiyo tich manono due ka due, kendo ayudo kuyo otieno kotieno.

Zaburi 126:5

Joma chuoyo ka ywak, biro kayo cham gi ilo.

Zaburi 31:11

Wasika duto jara, kendo kata jogweng’wa tugo mana koda. Abwogo ji duto ma ong’eya. Ka ginena e wang’yo, to giringa aringa.

Zaburi 6:6

Kuyo osebara ndasi. Otieno ka otieno, pi wang’a opong’o kitandana.

Zaburi 69:21

Kane kech kaya, to ne gimiya mana kwiri mondo acham, kendo kane riyo oloya, to ne gimiya mana kong andwayo mondo amadhi.

Ngeche 19:7

Ka omine jachan duto ochaye, osiepene to koro dijwang’e machal nadi! Kata obedo ni otemo matek mondo oyud osiep, to ok onyal yudo.

Jeremia 13:17

Ka utamoru winjo siemni, to anaywagu gi chunya nikech sungau. Anaywagu malit, mi pi wang’a nochuer nyaka wang’a owre, nikech odar jo-Ruoth Nyasaye, kitero e tuech.”

Jeremia 2:25

Un jo Israel kik uwe tiendeu dok malit, kata kik uwe dwondu two, kuringo bang’ nyiseche manono. To uwacho niya, ‘Ok wanyal konyo. Wasehero nyiseche mamoko, kendo nyaka waluwgi!’

Jeremia 3:1

Ruoth Nyasaye owacho niya, “Ka ng’ato oriembo chiege, mi chiegeno odhi, kendo bang’e ng’at machielo okende, to chwore mokwongo ok nyal kawe kendo, nikech dhakono koro ogak. To un jo-Israel useweya, mulamo nyiseche mang’eny, kudwanyoru mana ka dhako madwanyore gi chwo mang’eny, to koro udwaro duogo ira!

Jeremia 30:14

Osiepeu duto oseweyou, kendo tinde ok gidewu. Asemonjou mana ka jasigu, kendo useyudo kum mager nikech richou mang’eny, bende nikech timbeu maricho lich.

Jeremia 4:30

Un jo-Jerusalem, urumo! Ere gimomiyo urwakoru gi lewni mabeyo, koso ere gima omiyo urwako stadi kendo uwiro wengeu? Ubisoru maber kayiem nono, to chodeu oseweyou, kendo koro dwaro negou.

Jeremia 9:1

“Mad wiya lokre soko mar pi, kendo pi wang’a lokre aora, mondo aywagi odiechieng’ gotieno nikech joga mosenegi.

Ywagruok 1:19

Ne aluongo osiepena mondo okonya, to ne giwuonda awuonda. Jodolona kod jodonga notho e dalani, ka dwaro chiemo mondo oduoggo tekregi.

Ywagruok 1:21

Winj kaka achur, to onge ng’ama kue chunya. Kane wasika duto owinjo chandruok ma an go, ne gidoko mamor kuom gima nitimo. To kel odiechieng’ mane isechiko, mondo gin bende gichal koda.

Ywagruok 1:9

Chilo ma en go omienore e lepe, to ne ok odewo gima biro timore achien. Mano emomiyo podho mosepodhogo lich miwuoro, kendo onge ng’ama nyalo hoyo chunye. Oywagore niya, “A Ruoth Nyasaye, neye chandruok ma an-go, nimar wasika oselocho!”

Ywagruok 2:11

Aseywak ahinya, mi wang’ a oowore kendo iya nyawni. Chunya bende chandore malit, nikech masira ma joga neno. Rawere gi nyithindo mayom nong’no tero, kendo gipodho e wang’yore mag dala.

Ezekiel 16:37

Mano omiyo abiro choko osiepeni duto, mane ihero kod mane ok ihero, kanyakla. Abiro kelogi duto iri mondo gilwori ka giketi diere, mi olony lepi mondo gine dugi.

Hosea 2:7

Ka olawo chodene, to ok nojukgi, kendo ka omanyogi, to ok noyudgi. Bang’e nowach niya, ‘Abiro dok ni chwora kendo, nikech ne aneno maber ka wan kode moloyo kaka obet sani.’

Mika 7:5

Kik iyie gi weche wadu, kendo kik igen kuom osiepeni, to bende nyaka itang’ ni weche miwacho kata mana ni chiegi.

Fweny 17:13

To giduto gin gi paro achiel, kendo ginichiw tekogi kod lochgi ni ondiek mondo obed jatendgi.

Fweny 17:16

To tunge apar mane ineno, kaachiel gi ondiegno, nobed mamon gi dhako ma jachodeno. Ginikeye nono mi giweye duk. Ginicham ringre, kendo giniwang’e pep gi mach,