Ywagruok 1:1 - MUMA MALER 2015

¹ Mano kaka dala Sayun mane ji ng’enyie tinde odong’ nono! Chon ogendini ne kwane ka dala maduong’, to koro osedong’ mana ka chi liel. Adier, chon ne en ruodh mier duto, to tinde ochalo mana ng’ama tiyo tich misumba.

Motingʼo Loko Manyien

¹ Mano kaka dala maduongʼ mane ji ngʼenyie odongʼ nono! Kinde moro ne en dala malich miwuoro to koro ochalo gi dhako ma chwore otho! Ne en ruoth madhako e kind pinje, to tinde osebedo misumba.

Ywagruok 1:1 ပူးပေါင်းရင်းမြစ်များ

1 Ruodhi 4:21

Solomon nobedo ruodh pinje duto, chakre aora Yufrate, nyaka piny jo-Filistia kod tong’ piny Misri. Jopinjego duto ne chulo osuru, kendo ne tiyo ni Solomon kuom ndalo duto mag ngimane.

2 Ruodhi 23:33

Farao-neko notere Ribla e piny Hamath, motueye kuno, mondo kik obed ruodh Jerusalem, kendo noketo ni jo-Juda osuru moromo kilo alufu adek mag fedha, gi kilo mia adek mag dhahabu.

2 Ruodhi 23:35

Jehoyakim noketo ni jo-Juda osuru ma dirom pesa mane Farao dwaro. Ng’ato ka ng’ato nogolo dhahabu gi fedha kaka mwandune obet. Kamano Jehoyakim nochulo fedha gi dhahabu mane Farao oketone.

2 Weche mag Ndalo 9:26

Ruodhi duto ne nie bwo loch Solomon chakre aora Yufrate nyaka piny Filistia gi tong’ piny Misri,

Ezra 4:20

E ndalo mokadho ruodhi marateke norito Jerusalem, kendo noloyo piny duto man loka Yufraete. Ji ne goyonigi osuru mopogore opogore.

Nehemia 5:4

To jomoko bende ne singo puothegi mag cham gi mag mzabibu mondo giyud pesa ma digigolgo osuru ni ruoth.

Nehemia 9:37

Gik moko duto ma pinywani nyago dhi mana ni ruodhi miketo mondo otiwa nikech richowa. Gin gi teko kuom dendwa, kendo gitimo gima gihero ni jambwa, ka wan to wachandore malich.”

Zaburi 122:4

Dhout Israel biroe, ee, jo-Ruoth Nyasaye biroe, mondo ogone erokamano kaka nochikogi.

Isaya 14:12

In ratego, sulue mar okinyi marieny matek, mano kaka isepodho ka ia e polo!

Isaya 22:2

Yaye, in dala ma ji goyoe mahu, kendo ma koko opong’o, bende ok ginitho e lweny.

Isaya 3:26

Ywak kod dengo nopong’ dhorangeye mag Sayun, kendo dalano nodong’ nono kokethore.

Isaya 49:21

Bang’e inipenjri niya, ‘Ere kaka ne ayudo nyithindogi duto, to nyithinda duto ne omaya, mi adong’ maonge gi nyithindo? Adier, ne oriemb joga, mi oter e tuech. Koro en ng’a mane opidhogi, ka an to ne adong’ kenda kamacha? Koso ere kaka ne ayudogi duto?’ ”

Isaya 50:5

Ruoth Nyasaye oseyawo ita, mi ok asetamora winjo wachne, bende ok aselokora mi aweye.

Isaya 52:2

In dala Jerusalem, machalo misumba moriere piny e lowo, a malo iteng’ri mondo buru oa kuomi. Adier, in dala Sayun, machalo nyako ma misumba, gony tonde motuego ng’uti.

Isaya 52:7

Mano kaka ji mor ka neno jaote makelo wach maber, ka wuotho ewi gode. Jaote wacho ni gik moko koro dhi maber, kendo olando wach resruok. Bende owacho ni jo-Sayun niya, “Nyasachu e ruoth kuonde duto.”

Isaya 54:4

Kik ibed maluor, kata kik chunyi nyosre, nikech ok niyud wich kuot. Ndalo biro chopo ma wiyi nowilie gi wich kuot mane iyudo ka pod itin, kendo ok nichak ipar chandruok mane ineno kane idong’ chi liel,

Jeremia 31:7

“An Ruoth Nyasaye awacho kama: Weruru gi ilo nikech mor ma jo-Israel nigo. En oganda maduong’ie moloyo. Weruru wendeu mag pak, kuwacho niya, ‘Ruoth Nyasaye osekonyo joge. Osereso jo-Israel duto modong’.’

Jeremia 40:9

Eka Gedalia nowachonigi niya, “Awachonu adier ni ok onego uluor chiworu e lwet jo-Babulon. Daguru adaga e pinyni mondo uti ni ruodh Babulon, to ubiro dhi nyime maber.

Jeremia 42:2

mowachone niya, “Kiyie to timnwa gima wakwayi. Yie ilamnwa Ruoth Nyasachwa, wan ji duto modong’. Chon ne wan ji mathoth, to koro neye kaka wadong’ mana manok kende.

Jeremia 44:2

“Un uwegi useneno masira mane akelo kuom Jerusalem gi mier mamoko mag Juda. Bende kata sani pod gikethore, ma onge ng’ama odakie.

Jeremia 44:6

Mano omiyo ne aolo mirimba mager e miech Juda kendo e yore mag Jerusalem, mi awang’ogi gi mach. Ne gidong’ ka gikethore maonge ng’ama dakie, kendo pod gisiko kamano nyaka chil kawuono.

Jeremia 50:23

Babulon ne chalo gi nyundo mane ogoyo piny ngima, to koro nyundono otur matindotindo. Jopinje duto obwok kuom gima osetimorene.

Jeremia 9:11

Ruoth Nyasaye owacho niya, “Abiro loko miech Jerusalem gundni kama ondiegi ema odakie, kendo miech Juda abiro loko thim.”

Ywagruok 1:19

Ne aluongo osiepena mondo okonya, to ne giwuonda awuonda. Jodolona kod jodonga notho e dalani, ka dwaro chiemo mondo oduoggo tekregi.

Ywagruok 2:1

Mano mudho mandiwa manade, ma Ruoth Nyasaye osekumogo Sayun, ka iye owang’! Hekalu mar Israel, ma duong’ne yande otundo nyaka e polo, osewito piny, chieng’ bura, ka ok oparo ni en raten tiende.

Ywagruok 2:10

Jodonge obet piny, mi oling’ thi. Gisebuko wigi buru, kendo girwakore gi piende gugru. Nyi Jerusalem bende okulo wigi piny.

Ywagruok 4:1

Mano kaka dhahabu ochido, kata mana dhahabu maberie moloyo! Kite mag Hekalu okere e akek yore duto.

Ywagruok 5:16

Osimbwa mar duong’ bende osepodho. Yaye, masira ochomowa, nikech wan joricho.

Ezekiel 26:16

Ruodhi duto mag pinje manie dhonam nowe kombegi mag dongo kendo nolony lepgi mag loch kod mago mogor malich, mi gibed e lowo ka gikirni. Ka gineno masira mosemaki, to kihondko nomakgi marach, mi ginisik ka gikirni akira.

Ezekiel 26:2

mowachona niya, “Wuod dhano, joma odak e dala mar Turo goyo mahu gi mor, kawacho kama: ‘Jerusalem ne en dala ma ogendini duto chokoree kuom ohala, to koro osekethe. Dhorangaye oseyaworenwa, omiyo wabiro bedo momew, nikech oseloye, modong’ gunda.’

Ezekiel 5:5

Eka Ruoth Nyasaye nomedo wacho niya, “Neye kaka Jerusalem chalo! Ne akete e dier piny, ka ogendini mamoko olwore koni gi koni

Tim jo-Lawi 26:31

Analok miechu gundni, mi anaketh kuondeu mag lemo, kendo ok anayie ng’weyo tik misengni mau madum mamit.

Tim jo-Lawi 26:33

Anakeu e kind ogendini, kendo nakel lweny kuomu mi pinyu nodong’ gunda, kendo miechu nokethre chuth.

Zefania 2:15

Ji nopenjre niya, “Koro ma e dala mane mor, kendo ogeno kuom lochne cha adier? Koso en e dala mane sungore e chunye kawacho niya, ‘Anie kende, kendo onge moro maromo koda’? To koro okethore chuth, mi olokore mana kama le mae thim ema odakie, kendo ng’ato ang’ata ma kadho kanyo wuoro, ka tang’o lwete.”

Fweny 18:7

Miyeuru sand kod ywagruok moromore mana gi duong’ mane omiyore owuon kodak e ngima mamalo! Owacho e chunye niya, ‘An Ruoth, kendo ok nane gima dimi aywag ngang’.’