Wuok 9:6 - MUMA MALER 2015

⁶ Kinyne Ruoth Nyasaye notimo kaka nowacho, mi jamb jo-Misri duto notho, to chiach jo-Israel ne ok otho kata achiel.

Motingʼo Loko Manyien

⁶ Kendo kinyne Jehova Nyasaye notimo kamano. Jamni duto mag jo-Misri notho, to onge jamb ja-Israel kata achiel mane otho.

Wuok 9:6 ပူးပေါင်းရင်းမြစ်များ

Zaburi 78:48

Ne onego dhogi gi pe, kendo rombe gi diek bende nomiyo polo onego.

Zaburi 78:50

Ne ok ogeng’o mirimbe, kendo kata mana weyo ngima jo-Misrigo, ne ok oweyo, to nonegogi anega gi tuo malich.

Wuok 12:12

Otienono nawuoth e piny Misri duto kendo naneg nyathi ka nyathi ma dichwo makayo mar dhano kod mar chiayo. An e Ruoth Nyasaye, kendo anakum nyiseche duto mag jo-Misri.

Wuok 12:29

E dier otienono tir, Ruoth Nyasaye nonego nyithindo ma yawuowi makayo duto, chakre kach ruoth Farao nyaka kach ng’at motue e jela, kaachiel gi nyithindo makayo duto mag jamni.

Wuok 8:22

To chieng’no ok nahon lwang’ni e piny Goshen, kuma joga odakie, mi ining’e ni an Ruoth Nyasaye kara anie pinyni!

Wuok 9:25

Pe nogoyo gik moko duto, kaachiel gi ji kod jamni mane ni oko kuonde duto e piny Misri. Bende nogoyo buya manie piny, moturo yien duto.

Wuok 9:26

To mak mana piny Goshen kende mane jo-Israel odakie, ema ne ok ogoyo.

Wuok 9:4

Jamb jo-Israel to ok abi timonigi gima abiro timoni jamb jo-Misri, mi onge chiach ja-Israel kata achiel ma notho.’

Wuok 9:5

Bende Ruoth Nyasaye oseketo odiechieng’, kowacho ni kiny ema notimie kamano e pinyni duto.”