Wuok 9:34 - MUMA MALER 2015

³⁴ Kane Farao oneno ni gigo duto noserumo, nochako oketho, mi chunye, kaachiel gi chuny jodonge nomedo mana bedo matek.

Motingʼo Loko Manyien

³⁴ Kane Farao oneno ka koth, pe gi mor polo orumo, to nomedo timo richo. Nomedo bedo gi chuny matek en kaachiel gi jodonge.

Wuok 9:34 ပူးပေါင်းရင်းမြစ်များ

2 Weche mag Ndalo 28:22

To Ahaz achielni nomedo ketho ni Ruoth Nyasaye e ndalo mar chandruokne,

2 Weche mag Ndalo 33:23

Amon achielni ne ok obolore e nyim Ruoth Nyasaye kaka Manase wuon mare nobolore, to nomedo ketho moloyo.

2 Weche mag Ndalo 36:13

Bende ruoth Nebukadnezar nosemiyo okuong’ore e nying Nyasaye ni nobed e bwo lochne, to kata kamano nopiem kode, motamore duogo kuom Ruoth Nyasaye ma Nyasach Israel.

Wuok 4:21

Ruoth Nyasaye nowacho ni Musa niya, “Koro ero idok Misri, to nyaka ine ni itimo honni ma asemiyi teko ni mondo itim, e nyim Farao. To abiro miyo chunye doko matek, mi ok nowe jo-Israel thuolo mondo oa.

Wuok 7:14

Ruoth Nyasaye nowacho ni Musa niya, “Farao wiye tek, kendo odagi weyo jo-Israel mondo oa.

Wuok 8:15

To kane Farao oneno ni oyudo yueyo, wiye nochako obet matek, kendo nodagi wach Musa gi Harun, mana kaka Ruoth Nyasaye nosenyiso.

Wuok 9:33

Musa noa ir Farao, mowuok e dala. Eka noting’o bedene malo kolamo Ruoth Nyasaye, mi mor polo gi pe norumo, kendo koth bende nochok.

Wuok 9:35

Kamano wi Farao nomedo bet matek, mi notamo jo-Israel dhi, mana kaka Ruoth Nyasaye nosemiyo Musa owacho.

Eklesiastes 8:11

Ji ketho aketha ma ok odewo, mana nikech gineno ni kata ka ng’ato oketho, to ok yud kum piyo kaka owinjore.

1 Samuel 6:6

Marang’o wiu tek, ka wi Farao gi wi jo-Misri? Donge Nyasaye nosandogi malich, nyaka ne giweyo jo-Israel oa?