Wuok 9:27 - MUMA MALER 2015

²⁷ Farao noluongo Musa gi Harun, mowachonigi niya, “Koro aseketho. Ruoth Nyasaye e man kare, to an, kaachiel gi joga, ema wasetimo marach,

Motingʼo Loko Manyien

²⁷ Eka Farao noluongo Musa gi Harun. Nowachonegi niya, “Koro aseketho. Jehova Nyasaye ni kare, to an kaachiel gi joga wasetimo richo.

Wuok 9:27 ပူးပေါင်းရင်းမြစ်များ

2 Samuel 12:13

Daudi nowacho ni Nathan niya, “Aseketho e nyim Ruoth Nyasaye.” Eka Nathan nomedo wachone niya, “Ruoth Nyasaye bende oseweyoni richoni; koro ok nitho.

2 Weche mag Ndalo 12:6

Eka ruoth gi jodong Israel nobolore kawacho niya, “Ruoth Nyasaye ni kare.”

Zaburi 129:4

To Ruoth Nyasaye ma timne kare, osechodo tonde mane joricho osetueyago.”

Zaburi 145:17

Yore duto mag Ruoth Nyasaye gin kare. Adier, ong’won e timbene duto.

Zaburi 9:16

Ruoth Nyasaye osefwenyore kuom ng’ado bura kare, to joricho osenyumore e timbegi giwegi.

Wuok 10:16

Farao noluongo Musa gi Harun, mowachonigi niya, “Aseketho ni Ruoth Nyasaye ma Nyasachu, kendo ni un bende.

Wuok 10:17

Koro yie ung’wonnae dichiel, kendo ulam Ruoth Nyasaye ma Nyasachu mondo oyie ogol masira malichni kuoma.”

Wuok 8:25

Farao noluongo Musa gi Harun mowachonigi niya, “Dhiuru, utim misango ni Nyasachu, to nyaka utime mana ei pinyni.”

Wuok 8:8

Farao koro noluongo Musa gi Harun mowachonigi niya, “Kwauru Ruoth Nyasaye mondo ogol ogwende oko kuoma, kendo kuom joga, eka awe jou oa mondo odhi otim misango ni Ruoth Nyasaye.”

Ywagruok 1:18

Dala Jerusalem ywagore kama: “Ruoth Nyasaye osetimo gima kare, to an, dala Jerusalem ema asepiem kode, mi aweyo chikene. Ling’uru! Ling’uru un ogendini duto, mondo uneye chandruok ma an go! Nyiga gi yawuota osemak, moter e tuech.

Daniel 9:14

In Ruoth Nyasachwa nirito kinde mowinjore mondo ikumwae, mi bang’e koro isekumowa. Kuom timo kamano nitimo mana gima kare, nikech in ng’at makare, to wan ema ok wasewinji.

Kwan 21:7

Omiyo ji nobiro ir Musa, mowachone niya, “Ne waketho kuom ng’ur ni Ruoth Nyasaye kod in. Yie ikwanwa Ruoth Nyasaye mondo ogol thuonde oko kuomwa.” Kuom mano Musa nokwayonigi Ruoth Nyasaye,

Kwan 22:34

Balaam nowacho ni malaika mar Ruoth Nyasaye niya, “Aseketho. Ne ok ang’eyo ni ichung’ e nyima e yo mondo igeng’na. To koro ka wuodhani ok berni, to ayie dok dala.”

Mathayo 27:4

kowachonigi niya, “Asetimo richo kuom ndhogo remo ma onge ketho.” To ne gidwoke ni, “Mano obadho mana in! Ok en wachwa.”

Jo-Rumi 2:5

To in wiyi tek, kendo itamori yie, omiyo ikano kum ni in iwuon ndalo mar mirima, tiende ni chieng’ ma Nyasaye noelie bura mare makare.

Jo-Rumi 3:19

To wang’eyo ni weche duto ma Chik wacho oket ni joma nie bwo Chikno. Kuom mano, ji onge gi yo ma ginyalo tonygo e bura, to buch Nyasaye okwako piny duto.

Joshua 7:20

Akan nodwoke niya, “Adier aseketho e nyim Ruoth Nyasaye ma Nyasach Israel,

1 Samuel 15:24

Saulo nowacho ni Samuel niya, “Aseketho, kaweyo luwo chik Ruoth Nyasaye kod wechene bende, nimar naluoro ji, kendo nawinjo dwondgi.

1 Samuel 15:30

Eka Saulo nowacho niya, “Aseketho, to kata kamano, asayi, miya duong’ kawuono e nyim jodong joga, kendo e nyim jo-Isarel. Wichri wadog kodi, mondo alam Ruoth Nyasaye ma Nyasachi.”

1 Samuel 26:21

Eka Saulo nowacho niya, “Aseketho. Duogi, Daudi wuoda. Ok nachak atimni gima dihinyi, nikech nende iluoro ngimana. Awuoro, asefuwo, kendo alal marach.”