Wuok 9:23 - MUMA MALER 2015

²³ Kamano Musa norieyo ludhe kochomo polo, mi Ruoth Nyasaye nooro mil polo kaachiel gi pe mi polo nogoyo piny. Ruoth Nyasaye nomiyo pe ogoyo Misri malich,

Motingʼo Loko Manyien

²³ Ka Musa norieyo ludhe kochomo polo, Jehova Nyasaye nooro mor polo gi pe kendo polo nomil koni gi koni, kuom mano Jehova Nyasaye noolo pe e piny Misri.

Wuok 9:23 ပူးပေါင်းရင်းမြစ်များ

Chakruok 19:24

Eka Ruoth Nyasaye nooro mach gi kite maliel mowang’o Sodom gi Gomora.

Ayub 37:13

Ndalo moko Nyasaye kelo koth e piny mondo okumgo ji, to ndalo moko okele mondo onyisgigo kaka oherogi.

Zaburi 147:17

Ooro kite mag pe mana ka kit ombo, bende okelo koyo, mi pi lokre pe.

Zaburi 148:8

koda ka mach gi pe, kod pi malokore pe, kaachiel gi yamo madongo marito chikne.

Zaburi 18:13

Dwond Ruoth Nyasaye nomor! Ee, Ng’ama Duong’ Moloyo nomor gie polo!

Zaburi 29:3

Dwond Ruoth Nyasaye wuo e nembe. Adier, Nyasaye man gi duong’ twaro, kendo dwonde winjore e nam.

Zaburi 77:18

Adier, polo noriadore malich e yamb kalausi, mi omenyo piny duto. Piny bende notetni kendo oyiengni.

Wuok 19:16

Chieng’ mar adek, kane piny oru, polo ne mor kendo mil ewi got, bende ne nitie bor polo mapek, kendo tung’ ma ywak, mi ji duto mane nie kambi nokirni.

Wuok 20:18

Kane ji duto oneno ka polo mor kendo mil, bende kane giwinjo ka tung’ ywak, kendo gineno ka got dum iro, ne gikirni, mi gichung’ gi chien.

Wuok 9:18

kiny kar sa ma kama, naor pe malich ma pok one e piny Misri nyaka nene.

Wuok 9:24

ka polo mil koni gi koni. Ne en pe marach mane pok one e piny Misri nyaka nene.

Isaya 30:30

Bang’e Ruoth Nyasaye nomi winj dwonde man gi duong’, kendo nonyis bade motimo mach mawang’o gik moko duto, ka lor gi mirima mager, ka polo mor gi koth maduong’, machue gi pe kod yamo mager.

Ezekiel 38:22

Anakume gi tuoche kod nek. Bende anahon koth mang’ongo gi pe madongo gi mach kod kite maliel kuome, kendo kuom joge mag lweny kod ogendini mathoth man kode.

Joshua 10:11

E kinde mane jo-Israel riembogi e yo maridoreno, Ruoth Nyasaye nodiro kuomgi pe madongodongo, monegogi nyaka Azeka. Peno nonego ji mang’eny moloyo mane jo-Israel onego.

Fweny 16:18

Bang’ mano, ne nitie mil polo makakni, gi dwol moko, kod mor polo. Piny bende noyiengni matek mapok oyiengnie kamano nyaka a chuech dhano. Adier, ne en yiengni piny marachie moloyo!

Fweny 16:21

Kite mag pe madongongo, ma achiel pekne dirom kilo piero abich, noa e polo mogoyo ji, mi ne giyanyo Nyasaye nikech masich peno, nimar ne en masira marach ahinya!

Fweny 8:7

Malaika mokwongo nogoyo tung’ne, mi pe kod mach mokikore gi remo obiro, mi opuk e piny, mi bath piny moromo achiel kuom adek nowang’ kendo achiel kuom adek mar yien bende nowang’. Lum mang’ich duto bende nowang’.