Wuok 9:17 - MUMA MALER 2015

¹⁷ To kaka pod ithago joga, kendo ok iyienigi mondo gia,

Motingʼo Loko Manyien

¹⁷ To kaka pod ithago joga kendo itamori weyogi mondo gidhi,

Wuok 9:17 ပူးပေါင်းရင်းမြစ်များ

Ayub 40:9

Bende iratego ka an adier? Koso dwondi bende chal gi mara ma mor ka polo?

Ayub 9:4

Nyasaye riek malich, kendo en gi teko, ma onge ng’ama nyalo piem kode, mi loye.

Wuok 9:16

To aseweyi ibet mangima mana ni mondo anyisigo tekona, kendo mondo humba olag e piny ngima.

Wuok 9:18

kiny kar sa ma kama, naor pe malich ma pok one e piny Misri nyaka nene.

Isaya 10:15

To Ruoth Nyasaye nowacho niya, “Bende le disungre ni ng’at matong’o kode? Koso musemeno dibed maduong’ moloyo ng’ama ng’eto kode? Mano nyalo timore mana ka luth nyalo yiengo ng’ama oting’e, kata ka arungu bende nyalo ting’o dhano ma sirore kode!”

Isaya 26:11

A Ruoth Nyasaye iselocho, to joricho ok ne mano. We gineye hera matut miherogo jogi, mondo wigi okuodi, kendo mach ma iseiko ni wasiki otiekgi!

Isaya 37:29

Asewinjo kaka iyanya malich, kendo kaka isungori, omiyo abiro keto mbedo e umi, kod rajaki e dhogi, mondo awichi idog thuru gi yo mane ibirogo.

Isaya 45:9

Ruoth Nyasaye Manyalo Gik Moko duto wacho niya, “Mano kaka ng’at mapiem gi jachuechne none malit! Ere kaka agulu dipiem gi ng’ama chueye? Bende lowo dipenj jachuech ni ere gima ochueyo? Koso gima osechue diwach ni jachuech niya, ‘Ikia tich’?

Ezekiel 28:6

“Koro an Ruoth Nyasaye awacho kama: Kaka iparo ni iriek ka nyasaye kamano,

Daniel 5:20

To nikech ne odoko jasunga ma wiye tek kendo ma jakwinyo, ne omaye lochne kaachiel gi duong’ne.

Tich Joote 12:23

Gikanyono malaika mar Ruoth Nyasaye nogoyo Herode, nikech ne ok omiyo Nyasaye duong’. Bang’e kudni nochamo dende, mi otho.

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?