Wuok 9:14 - MUMA MALER 2015

¹⁴ To wang’ni, ka ok itimo kamano, to in ema abiro kumi kaachiel gi jodongi kod jogi, kakelonu sand duto mondo ing’e ni onge ng’at marom koda e piny ngima.

Motingʼo Loko Manyien

¹⁴ Ka ok kamano to wangʼni abiro oro masichena madongo dongo kuomi, kuom jodongi kod kuom jogi mondo ingʼe ni onge ngʼat machal koda e piny ngima.

Wuok 9:14 ပူးပေါင်းရင်းမြစ်များ

2 Samuel 7:22

A Ruoth Nyasaye, in ema iduong’, kendo pok wawinjo ni nitie nyasaye moro machal kodi. Onge nyasaye moro mak mana in.

1 Ruodhi 8:38

mi ng’ato olami ka kwayi gimoro, korieyo bedene kochomo Hekaluni, (nimar ng’ato ka ng’ato ong’eyo gima chando chunye,)

1 Weche mag Ndalo 17:20

A Ruoth Nyasaye, pok wawinjo ni nitie Ruoth Nyasaye moro machal kodi. Onge Nyasaye machielo, to mak mana in.

Zaburi 86:8

A Ruoth Nyasaye, onge Nyasaye moro ma romo kodi, kata ma nyalo timo gik ma itimo.

Wuok 15:11

A Ruoth Nyasaye, Ere Nyasaye machal kodi? Ere ng’ama ler ka in? Ere ng’ama chal kodi, manyalo timo honni kod timbe madongo miwuoro?

Wuok 8:10

Nodwoke niya, “Kiny.” Musa nowachone niya, “Biro timore mana kaka iwacho, mondo ing’e ni onge Nyasaye moro machalo gi Ruoth Nyasaye ma Nyasachwa.

Wuok 8:6

Kamano Harun norieyo lwete ewi pige duto, mi ogwende nobiro mopong’o piny.

Wuok 9:15

Ka dine arie bada mi agoyi gi tuo moro, kaachiel gi jogi, to dikoro kari oselal.

Isaya 45:5

An e Ruoth Nyasaye, kendo moro onge. Adier, onge Nyasaye moro mak mana an. Kata obedo ni pok ing’eya, to abiro miyi teko,

Isaya 46:9

Kik wiu wil gi gik mane otimore chon, nimar an Nyasaye, kendo onge moro. Adier, an Nyasaye, kendo onge moro marom koda.

Jeremia 10:6

A Ruoth Nyasaye, onge ng’ato machal kodi, iduong’ kendo nyingi bende duong’.

Jeremia 10:7

A Ruodh ogendini duto, ere ng’ama ok diluori, nikech in iwinjori gi luor. Kuom jorieko duto mag ogendini, kata kuom ruodhigi duto, onge ng’ato maromo kodi.

Jeremia 19:8

Anaketh dalani gi keth malich, mi ng’ato ang’ata makadho machiegni nobwogi, kawuoro gima osetimore ni dalani.

Daniel 5:21

Ne oriembe oa kuom ji, mi parone olokore ka paro le. Bende ne odak gi kenje manie thim, mi ochamo lum gi dhoge ka dhiang’, kendo ne onindo oko ka tho omoko kuome. To achien noyie gi Nyasaye Maduong’ Moloyo ema nigi loch e pinje duto ma e piny, kendo en ema oketo ng’ato ang’ata modwaro bedo ruoth.

Tim jo-Lawi 26:18

“Ka pod utamoru winja bang’ gigo duto, to anamed kumou nyadibiriyo kuom richou.

Tim jo-Lawi 26:21

“To kapod upiem koda, mutamoru winja, to nakelnu masiche nyadibiriyo marom gi richou.

Tim jo-Lawi 26:28

to an bende nasik kapiem kodu gi mirimba mager, mi nakumu nyadibiriyo nikech richou.

Mika 6:13

To koro asechako goyou gi goch malit mondo atieku nikech richou.

Rapar mar Chik 3:24

‘A Ruoth Nyasaye, isechako nyisa duong’ni gi tekoni. Onge Nyasaye moro amora e polo kata e piny ma tekone nyalo romo gi tekoni, kata manyalo timo timbe madongo mitimogi.

Rapar mar Chik 4:35

Mago duto Ruoth Nyasaye notimo mondo onyisu ni en Nyasaye. Onge Nyasaye moro mak mana en.

Fweny 18:8

Mano omiyo masichene chieng’ moro nopoye chieng’ achiel. Masichego gin tho gi ywagruok kod kech, kendo nowang’e pep gi mach, nimar Ruoth Nyasaye moseng’adone bura nigi teko maduong’!”

Fweny 22:18

An Johana asiemo ng’ato ka ng’ato mawinjo weche mokor manie kitabuni niya, “Ka ng’ato omedo wach moro kuomgi, to Nyasaye nomedne masiche mondik e kitabuni.

1 Samuel 4:8

Yaye! Ng’ano ma noreswa e lwet nyiseche maratekegi? Gin nyiseche ma nosando jo-Misri gi masiche mayoreyore e thim.