Wuok 8:32 - MUMA MALER 2015

³² To kata e kindeno bende wi Farao nochako obedo matek, mi ne ok oyie mondo jo-Israel oa.

Motingʼo Loko Manyien

³² To kata mana e kindeni Farao nomedo bedo gi tok teko kendo ne ok onyal weyo jo-Israel mondo odhi.

Wuok 8:32 ပူးပေါင်းရင်းမြစ်များ

Wuok 4:21

Ruoth Nyasaye nowacho ni Musa niya, “Koro ero idok Misri, to nyaka ine ni itimo honni ma asemiyi teko ni mondo itim, e nyim Farao. To abiro miyo chunye doko matek, mi ok nowe jo-Israel thuolo mondo oa.

Wuok 8:15

To kane Farao oneno ni oyudo yueyo, wiye nochako obet matek, kendo nodagi wach Musa gi Harun, mana kaka Ruoth Nyasaye nosenyiso.

Wuok 8:31

mi Ruoth Nyasaye notimone gima nokwayo. Lwang’ni noa kuom Farao gi jodonge kod joge, ma onge kata mana lwang’ni achiel mane odong’.

Wuok 8:8

Farao koro noluongo Musa gi Harun mowachonigi niya, “Kwauru Ruoth Nyasaye mondo ogol ogwende oko kuoma, kendo kuom joga, eka awe jou oa mondo odhi otim misango ni Ruoth Nyasaye.”

Wuok 9:7

Kane Farao onono to nonyise ni onge chiach ja-Israel mane otho kata achiel. To kata kamano wiye ne pod tek, mi ne ok oyie mondo jo-Israel oa.

Isaya 63:17

A Ruoth Nyasaye, ere gima omiyo iweyowa aweya, mi wabaro waweyo yoreni? Koso ang’o momiyo imiyo chunywa doko matek, mondo kik waluori? Duogi nikech wan, wan jotichni. Wan dhoudi mikwano ka mwanduni.

Jo-Rumi 2:5

To in wiyi tek, kendo itamori yie, omiyo ikano kum ni in iwuon ndalo mar mirima, tiende ni chieng’ ma Nyasaye noelie bura mare makare.

1 Samuel 6:6

Marang’o wiu tek, ka wi Farao gi wi jo-Misri? Donge Nyasaye nosandogi malich, nyaka ne giweyo jo-Israel oa?