Wuok 8:3 - MUMA MALER 2015

³ Ginipong’ aora Nael, kendo giniwuog ka gidhi e odi nyaka kor nindo gi kitandani kod ut jodongi gi mag jogi, kendo ei kendeni kod ei sufriecheni mitedoe makati.

Motingʼo Loko Manyien

³ Ogwende nopongʼ aora Nael kendo giniwuogi ka gidhi e odi nyaka kor nindo. Bende ginipongʼ nyaka kitandani, ute jodongi kod mag jogi, kaachiel gi kuonde tedo gi dwalo makati.

Wuok 8:3 ပူးပေါင်းရင်းမြစ်များ

2 Weche mag Ndalo 22:11

To Jehosheba, nyar ruodh Jehoram nogolo Joash wuod Ahazia ling’ling’ kuom yawuot ruoth mane idwaro nego, mi opande e od nindo kaachiel gi japite. Jehosheba nyar ruoth Jehoram ma chi Jehoyada jadolo, kendo ma nyamin Ahazia nopando Joash, mi Athalia ne ok onege.

Zaburi 105:30

Oguende ne opong’o pinygi koda ka ut ruoth.

Wuok 10:6

Ginipong’ uteni gi ute jodongi kod ute jogi. Ginibed marach moloyo gimoro amora ma wuoneu kata kwereu oseneno nyaka ne gibi e pinyni.’ ” Kane Musa osewuoyo kamano, noa moweyo Farao.

Wuok 12:34

Omiyo jo-Israel nokawo sufriache mag makati moting’o mogo modwal mapok oketie thowi. Ne giboyogi gi nenggi, mi giting’ogi e gokgi.

Wuok 7:11

Kane Farao oneno kamano, noluongo ji mariek kod ajuoke, kendo ajuoke mag Misrigo bende notimo mana hono machal kamano gi bindgi.

Wuok 8:11

Ogwende biro weyi, kaachiel gi jodongi kod jogi, kendo gibiro a e uteni, mi ginidong’ mana e aora Nael kende.”

Wuok 8:2

To winji! Ka ok iyie timo kamano, to abiro kelo ogwende e pinyi duto mondo asandugo.

Wuok 8:4

Bende ginichikre kuomi kendo kuom jogi kod kuom jodongi.’ ”