Wuok 8:27 - MUMA MALER 2015

²⁷ Omiyo nyaka wadhi e thim kuom wuodh ndalo adek, mondo watim misango ni Ruoth Nyasaye ma Nyasachwa mana kaka nochikowa.”

Motingʼo Loko Manyien

²⁷ Nyaka wakaw wuodh ndalo adek e thim mondo wachiw misengini ni Jehova Nyasaye ma Nyasachwa mana kaka ochikowa.”

Wuok 8:27 ပူးပေါင်းရင်းမြစ်များ

Wuok 10:26

To jambwa bende nyaka wadhigo, kendo onge kata achiel ma biro dong’ chien, nimar dipo ka wadwaro jamni moko mwadhi lamogo Ruoth Nyasaye ma Nyasachwa kuom jambwago, nikech kapok wachopo kuno to ok wang’eyo ni wadhi lame gang’o.”

Wuok 3:12

Nyasaye nodwoke niya, “Anabed kodi, kendo kisegolo ji Misri, to unulama e godni. Mano nobed ranyisi ni an ema aseori.”

Wuok 3:18

Kamano jo-Israel biro winjo gima iwacho. Bang’e nyaka udhi gi jodong Israel ir ruodh Misri, kendo uwachne niya, ‘Ruoth Nyasaye ma Nyasach jo-Hibrania, oseromo kodwa. Omiyo koro yie iwe wadhi e thim kuom wuodh ndalo adek, mondo watim misango ni Ruoth Nyasaye ma Nyasachwa.’

Wuok 34:11

Kuom mano, rituru chike ma abiro miyou kawuono, eka abiro riembo jo-Amor gi jo-Kanaan gi jo-Hiti gi jo-Perizi gi jo-Hivi kod jo-Jebus mondo owenu thuolo.

Wuok 5:1

Bang’e, Musa kod Harun nodhi ir Farao, mowachone niya, “Ruoth Nyasaye ma Nyasach jo-Israel owacho kama: ‘We joga odhi, mondo otimna sawo e thim.’ ”

Wuok 5:3

Ne giwachone niya, “Nyasach jo-Hibrania oseromo kodwa. Omiyo, yie iwe wadhi e wuodh ndalo adek e thim, mondo watim misango ni Ruoth Nyasaye ma Nyasachwa, nono to obiro kelonwa tho, kata lweny ma ditiekwa.”

Tim jo-Lawi 10:1

Nadab gi Abihu, ma yawuot Harun, nokawo tepgi mag mach, mi giketoe mach, eka ne gioloe ubani. Ne gidonjo e nyim Ruoth Nyasaye, mi giyiegoe mach ma ok ni kare, mane Ruoth Nyasaye ok ochiko mondo ochiwne.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”