Wuok 7:9 - MUMA MALER 2015

⁹ “Kapo ni Farao owachonu ni mondo utimne ranyisi moro, to in Musa mondo iwachni Harun kama: ‘Bol ludhi piny e nyim Farao mondo olokre thuol.’ ”

Motingʼo Loko Manyien

⁹ “Ka Farao onyisou ni mondo utim hono moro, to in Musa nyis Harun ni, ‘Kaw ludhi kendo dire piny e nyim Farao,’ kendo obiro lokore thuol.”

Wuok 7:9 ပူးပေါင်းရင်းမြစ်များ

Wuok 10:13

Omiyo Musa norieyo ludhe e piny Misri, mi Ruoth Nyasaye notugo yamb ugue mokudho e pinyno odiechieng’no duto gotienono duto. To kane piny oru, noyudo ka yamb ugue osekelo bonyo.

Wuok 4:17

Kaw ludhini, nikech en ema ibiro timo kode honni.”

Wuok 4:2

Ruoth Nyasaye nopenje niya, “Mano ang’o miting’o e lwetino?” Nodwoke ni, “En luth.”

Wuok 4:20

Mi Musa nokawo chiege gi nyithinde, kendo noketogi e kanyna, modok Misri, koting’o luth mane Nyasaye omiye.

Wuok 4:3

Eka Ruoth Nyasaye nowachone niya, “Bole piny.” To kane Musa obole piny, nolokore thuol, mi Musa oringe.

Wuok 7:8

Ruoth Nyasaye nowacho ni Musa gi Harun niya,

Wuok 9:23

Kamano Musa norieyo ludhe kochomo polo, mi Ruoth Nyasaye nooro mil polo kaachiel gi pe mi polo nogoyo piny. Ruoth Nyasaye nomiyo pe ogoyo Misri malich,

Isaya 7:11

“Kwa Ruoth Nyasachi mondo omiyi ranyisi moro amora, moa mwalo e bur piny, kata moa e polo malo.”

Ezekiel 29:3

Nyise ni an Ruoth Nyasaye awachone kama: Iwacho ni aora Nael en mari, kendo ni ne ichueri kendi.

Mathayo 12:39

Yesu nodwokogi ni, “Tieng’ marach kendo maweyo Nyasayeni kwayo mondo otimnigi ranyisi, to onge ranyisi ma notimnigi mak mana ranyisi mar janabi Jona.

Johana 10:38

To ka atiyo tichne, to kata ka ok unyal yie koda, to onego uyie gi tich matiyo, mondo ung’e chutho ni an ei Wuora kendo Wuora ni eiya.”

Johana 2:18

Jodong jo-Yahudi nopenjo Yesu ni, “Ere gima nyalo nyisowa ni in gi teko mar timo gima isetimono?”

Johana 6:30

Kuom mano ne gichako gipenje niya, “To ere ranyisi minyalo timo mondo wane, eka wayie gima iwacho? Ang’o minyalo timo?