Wuok 7:5 - MUMA MALER 2015

⁵ Kamano jo-Misri nong’e ni an e Ruoth Nyasaye, katimonigi timbe madongo, kendo kagolo jo-Israel kuomgi.”

Motingʼo Loko Manyien

⁵ Kendo jo-Misri nongʼe ni an Jehova Nyasaye e kinde ma anakumgi ka agolo jo-Israel kuomgi.”

Wuok 7:5 ပူးပေါင်းရင်းမြစ်များ

Zaburi 138:7

Kata e kinde ma masiche oketa diere, to irita maber. Ikwedo wasika ma jokwinyo, kendo iresa gi teko mar badi ma kor achwich.

Zaburi 9:16

Ruoth Nyasaye osefwenyore kuom ng’ado bura kare, to joricho osenyumore e timbegi giwegi.

Wuok 10:2

kendo mondo unyis nyithindu gi nyikwau e ndalo mabiro kaka nene afuwo jo-Misri gi honnigo. Kamano unung’e ni an e Ruoth Nyasaye.”

Wuok 10:7

Jodong Farao nowachone niya, “Ng’atni pod biro thagowa nyaka kar ang’o? We jo-Israel machwo odhi mondo olam Ruoth Nyasaye ma Nyasachgi. Donge koro ing’eyo ni Misri osekethore?”

Wuok 14:18

Eka jo-Misri nong’e ni kara an Ruoth Nyasaye, kaseloyogi.”

Wuok 14:4

Abiro miyo chunye doko matek, mi enolawu. To loch ma nalogo Farao kaachiel gi ogandane mar lweny nomi nyinga duong’, mi jo-Misri nong’e ni kara an Nyasaye.” Kamano jo-Israel notimo kaka nowachnigi.

Wuok 18:8

Musa nonyise duto mane Ruoth Nyasaye osetimo ni Farao, kendo ni jo-Misri, nikech nohero jo-Israel. Bende nonyise thagruok mane giyudo e yo, kendo kaka Ruoth Nyasaye noresogi.

Wuok 3:20

To abiro tiyo gi tekona, mi nasand Misri gi honni duto ma natim kuno. Eka bang’e noyienu mondo udhi.

Wuok 6:1

Ruoth Nyasaye nowacho ni Musa niya, “Koro ibiro neno gima abiro timo ni Farao. Abiro chune mondo owe jo-Israel odhi. Adier abiro chune ni nyaka oriembgi e pinye.”

Wuok 6:6

Omiyo koro nyaka iwachni jo-Israel kama: ‘An e Ruoth Nyasaye, abiro golou e tije mapek ma jo-Misri oketo kuomu, kendo abiro resou e tij bedo wasumbni maggi. Narie bada mang’ongo kuomgi, kakumogi malit mondo owaru.

Wuok 7:17

Omiyo koro Ruoth Nyasaye owacho ni ibiro ng’eyo ni en e Ruoth Nyasaye kuom gik ma obiro timo. Abiro chwado pi aora gi luth ma ating’oni mi pi biro lokore remo.

Wuok 8:10

Nodwoke niya, “Kiny.” Musa nowachone niya, “Biro timore mana kaka iwacho, mondo ing’e ni onge Nyasaye moro machalo gi Ruoth Nyasaye ma Nyasachwa.

Wuok 8:19

Eka ajuoke nowachoni Farao niya, “Ma en hond Nyasaye.” To wi Farao ne pod tek, kendo ne ok owinjo wach Musa gi Harun, mana kaka Ruoth Nyasaye nosenyiso.

Wuok 8:22

To chieng’no ok nahon lwang’ni e piny Goshen, kuma joga odakie, mi ining’e ni an Ruoth Nyasaye kara anie pinyni!

Ezekiel 25:17

Ji mamoko duto modak but nam Mediterenia kanyo bende abiro nego. Ka asechulonigi kuor kamano, eka gining’e ni an e Ruoth Nyasaye.”

Ezekiel 28:22

kinyise ni an Ruoth Nyasaye awacho kama: Amon kodi, in Sidon! Ji biro miya duong’ nikech gima atimoni, kendo ging’e ni an e Ruoth Nyasaye, ka anyiso kaka aler kuom joma odak kuomi.

Ezekiel 32:15

“Ka aketho piny Misri, mi olokore thim, kendo anego ji duto modak kuno, to gining’e ni an e Ruoth Nyasaye.

Ezekiel 36:23

Ka anyiso ogendini kaka nyinga maduong’ mane ukelone wichkuot, en nying maler, to eka gining’e ni an e Ruoth Nyasaye. An Ruoth Nyasaye ema awacho kamano. Gima abiro timonu ema nonyis ogendini ni an Ng’ama Ler.

Ezekiel 39:22

Chakre kanyo jo-Israel nong’e ni an e Ruoth Nyasaye ma Nyasachgi,

Ezekiel 39:7

Anami joga Israel ng’e nyinga maler, kendo ok nawe nyinga chak kethre. Eka ogendini nong’e ni an Ruoth Nyasaye an Ng’ama Ler mar Israel.”