Wuok 7:20 - MUMA MALER 2015

²⁰ Musa gi Harun ne jotimo kaka Ruoth Nyasaye nochikogi. Harun noting’o ludhe malo e nyim Farao gi jodonge, kendo nochwado pi aora Nael, mi pi duto nolokore remo.

Motingʼo Loko Manyien

²⁰ Musa kod Harun notimo mana kaka Jehova Nyasaye nochikogi. Notingʼo ludhe e nyim Farao kod jodonge duto mi ochwado aora Nael kendo pige duto nolokore remo.

Wuok 7:20 ပူးပေါင်းရင်းမြစ်များ

2 Ruodhi 4:29

Elisha nowacho ni Gehazi niya, “Ng’wan lepi, ikaw ludha, kendo ichak wuoth. Kiromo gi ng’ato, to kik imosi, kata ka ng’ato mosi, to kik idwoke, kendo kichopo, to iriw ludha e lela wang’ nyathi.”

Zaburi 105:29

Ne oloko aore maggi remo, mi onego rech pep.

Zaburi 78:44

Ne oloko aore remo, omiyo jo-Misri ne ok nyal modho e aorego.

Wuok 4:9

To kapo ni ok giyie gi ranyisi ariyogi, kata winjo gima iwacho, to mondo itwom pi e aora Nael, ipuk piny. Kitimo kamano, to pigno nolokre remo.”

Wuok 7:10

Kane Musa kod Harun jobiro ir Farao, ne gitimo kaka Ruoth Nyasaye nochikogi, Harun nobolo ludhe piny e nyim Farao gi joge, mi ludhno nolokore thuol.

Wuok 7:21

Rech notho, kendo aora nodoko mang’ue marach, mi jo-Misri ne ok nyal modho pi aorano. Piny Misri duto nopong’ gi remo.

Wuok 7:6

Kuom mano Musa gi Harun notimo mana kaka Ruoth Nyasaye nochikogi.

Habakuk 3:8

A Ruoth Nyasaye, mirima omaki gi aore koso? Koso ikecho gi nam, ma omiyo ibiro kiidho fareseni kod gecheni ma ilochogo?

Fweny 8:8

Bang’e malaika mar ariyo nogoyo tung’ne, mi gima chalo gi got maduong’ maliel ka mach nowiti e nam, mi bath nam moromo achiel kuom adek nolokore remo,