Wuok 7:2 - MUMA MALER 2015

² Ininyis Harun owadu weche duto ma abiro chiki mondo iwachi, to en ema nowach ni Farao ni mondo owe jo-Israel oa e pinye.

Motingʼo Loko Manyien

² Nyaka iwach gik moko duto ma achiki, kendo Harun owadu nonyis Farao mondo owe jo-Israel owuog e pinye.

Wuok 7:2 ပူးပေါင်းရင်းမြစ်များ

1 Ruodhi 22:14

To Mikaya nodwoke ni, “Akuong’ora gi nying Ruoth Nyasaye ni gima Ruoth Nyasaye biro wacho ema nawachi.”

Wuok 4:15

En ema iwuo kode, kinyise gima onego owachi. Abiro konyou wuoyo, kendo nyisou gima onego utim.

Wuok 4:16

Harun biro wuoyo gi ji kari, nimar en ema nobedni ka dhogi, to in ema nibedne ka Nyasaye, kinyise gima onego owachi.

Wuok 5:1

Bang’e, Musa kod Harun nodhi ir Farao, mowachone niya, “Ruoth Nyasaye ma Nyasach jo-Israel owacho kama: ‘We joga odhi, mondo otimna sawo e thim.’ ”

Wuok 6:29

nowachone niya, “An e Ruoth Nyasaye. Nyis Farao ruodh Misri weche duto ma abiro wachoni.”

Wuok 7:6

Kuom mano Musa gi Harun notimo mana kaka Ruoth Nyasaye nochikogi.

Jeremia 1:17

Emomiyo tim atima chir Jeremia, kendo dhi iwachnigi gik moko duto ma asenyisi. Kik iwe gimiyi luoro, nono to abiro miyo ibed maluor moloyo e nyimgi.

Jeremia 1:7

To Ruoth Nyasaye nowachona niya, “Kik iwachi ni pod itin, to dhiyo adhiya ir ji duto ma aori kuomgi, mondo iwachnigi gik moko duto ma anyisi.

Ezekiel 3:10

Nyasaye ne odhi nyime kawachona niya, “In wuod dhano, chik iti maber ahinya mondo ipar weche duto ma abiro wachoni.

Ezekiel 3:17

ka wachona niya, “Wuod dhano, adwaro mondo aketi jarit mar oganda Israel. Tiji biro bedo siemogi gi siem moro amora mamiyi.

Mathayo 28:20

kendo kupuonjogi rito weche duto masenyisou. To winjuru! An kodu ndalo duto nyaka giko piny.”

Tich Joote 20:27

nimar ne ok aluoro hulonu gik moko duto ma Nyasaye dwaro timo.

Rapar mar Chik 4:2

Kik umed gimoro kuom gik ma achikou, kata kik ugol gimoro kuomgi. Rituru chike mag Ruoth Nyasaye adimba, mana kaka amiyougi.