Wuok 7:16 - MUMA MALER 2015

¹⁶ Nyis Farao kama: ‘Ruoth Nysaye ma Nyasach jo-Hibrania ne oora mondo anyisi ni, we joge oa mondo odhi olame e thim. To nyaka chil kawuono pok isetimo kamano.

Motingʼo Loko Manyien

¹⁶ Eka inyise ni, ‘Jehova Nyasaye, ma Nyasach jo-Hibrania, oseora mondo anyisi niya: We joga odhi, mondo gilama e thim. To nyaka chop koroni pok iwinjo.

Wuok 7:16 ပူးပေါင်းရင်းမြစ်များ

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Wuok 13:15

Kane Farao otamore weyowa mondo waa, Ruoth Nyasaye nonego nyithindo makayo duto, mag dhano gi mag jamni, e piny Misri. Mano emomiyo watimo ni Nyasaye misango gi nyithind jamni machwo makayo duto, to wawaro nyithindwa makayo kwachiwo gik moko kargi.

Wuok 14:5

Kane onyis Farao ruodh Misri ni jo-Israel oseringo, chunye gi chuny jodonge nolokore ni nonego ni kik giwe gia, mi giwacho niya, “Ang’o mwasetimoni? Waseweyo wasumbwa ma jo-Israel odhi!”

Wuok 3:12

Nyasaye nodwoke niya, “Anabed kodi, kendo kisegolo ji Misri, to unulama e godni. Mano nobed ranyisi ni an ema aseori.”

Wuok 3:13

Musa nowacho ni Nyasaye niya, “To ka adhi ir jo-Israel, mawachonigi ni Nyasach kweregi oseora, gibiro penja ni, ‘Nyinge ng’a?’ An to nadwokgi ang’o?”

Wuok 3:18

Kamano jo-Israel biro winjo gima iwacho. Bang’e nyaka udhi gi jodong Israel ir ruodh Misri, kendo uwachne niya, ‘Ruoth Nyasaye ma Nyasach jo-Hibrania, oseromo kodwa. Omiyo koro yie iwe wadhi e thim kuom wuodh ndalo adek, mondo watim misango ni Ruoth Nyasaye ma Nyasachwa.’

Wuok 4:22

To nyaka inyise ni Ruoth Nyasaye owacho kama: ‘Israel en wuoda makayo.

Wuok 4:23

Nawachoni ni mondo iwe wuoda odhi olama, to nidagi, omiyo koro abiro nego wuodi makayo.’ ”

Wuok 7:4

To kata kamano Farao ok nowinju. Omiyo anasand Misri gi timbe madongo kakumo jo-Misri malich, mi nagol joga ma jo-Israel e Misri, kochan-gi e dhoutgi.

Wuok 8:1

Ruoth Nyasaye nowacho ni Musa niya, “Dhiyo ir Farao mondo inyise ni Ruoth Nyasaye owacho kama: ‘We joga oa mondo odhi olama.

Wuok 8:20

Ruoth Nyasaye nowacho ni Musa niya, “Dhiyo gokinyi mang’ich, mondo irom gi Farao, ka dhi aora Nael, kendo inyise ni Ruoth Nyasaye owacho kama: ‘We joga oa mondo odhi olama.

Wuok 9:1

Ruoth Nyasaye nowacho ni Musa niya, “Dhiyo ir Farao mondo inyise ni Ruoth Nyasaye ma Nyasach jo-Hibrania owacho kama, ‘We joga oa mondo odhi olama.

Wuok 9:13

Bang’e Ruoth Nyasaye nowacho ni Musa niya, “Dhi ir Farao gokinyi mang’ich, mondo inyise ni Ruoth Nyasaye ma Nyasach jo-Hibrania owacho kama: ‘We joga oa mondo odhi olama.

Isaya 45:13

An ema aseting’o Kuros malo mondo okel resruok, kendo abiro rieyo yorene tir. Enochak oger dalana, kendo nogony joga mane oter e tuech, mi bed thuolo, to ok nikech ichule gimoro, kata nikech imiye asoya.”

Jeremia 50:33

Ruoth Nyasaye Manyalo Gik Moko Duto wacho niya, “Jo-Israel gi jo-Juda ithiro. Ji duto mane omakogi kwayogi malich, kendo ok nyal weyonigi thuolo mondo gia.