Wuok 7:11 - MUMA MALER 2015

¹¹ Kane Farao oneno kamano, noluongo ji mariek kod ajuoke, kendo ajuoke mag Misrigo bende notimo mana hono machal kamano gi bindgi.

Motingʼo Loko Manyien

¹¹ Farao noluongo jorieko kod ajuoke mag Misri mine gitimo gik machal gi mane Harun otimo ka gitiyo gi teko mag yedhegi mopondo.

Wuok 7:11 ပူးပေါင်းရင်းမြစ်များ

Chakruok 41:8

Kinyne gokinyi chunye nochandore ahinya, omiyo noluongo ajuoke kod joma riek duto manie piny Misri. Nonyisogi lekne, to onge ng’ama ne nyalo lokone tiendgi.

Wuok 7:12

Ng’ato ka ng’ato nobolo ludhe piny, kendo luth ka luth nolokore thuol, to ludh Harun nomwonyo ludhegi.

Wuok 7:22

To bang’e ajuoke mag Misri bende notimo hono mana machal kamano gi bindgi, mi wi Farao nosiko matek kaka chon. Notamore winjo wach Musa gi Harun mana kaka Ruoth Nyasaye nosenyiso,

Wuok 8:18

Ajuoke notiyo gi bindgi ni mondo gin bende gihon kikun, to notamogi. Kikun ne ni kuonde duto, kuom ji gi jamni.

Wuok 8:3

Ginipong’ aora Nael, kendo giniwuog ka gidhi e odi nyaka kor nindo gi kitandani kod ut jodongi gi mag jogi, kendo ei kendeni kod ei sufriecheni mitedoe makati.

Wuok 8:7

To ajuoke notiyo gi bindgi, mi gin bende ne gimiyo ogwende obiro e piny.

Daniel 2:2

Kuom mano, noluongo jong’adne rieko gi jothieth gi ajuok nyakalondo kod jokor mondo obi ohulne tiend lekno. Kane gibiro mi gichung’ e nyime,

Daniel 2:27

Daniel nodwoke niya, “Ruoth onge ajuoga moro amora kata jakor wach manyalo nyisi tiend leknino,

Daniel 4:6

Mano omiyo nagolo chik mondo jong’adna rieko duto man Babulon okel ira olokna tiend lekno.

Daniel 5:11

Nitie ng’at moro e pinyi man gi much nyiseche maler. E ndalo loch ruoth Nebukadnezar kwaru, ng’atno ne nigi paro maber kod rieko mana ka rieko mag nyiseche, omiyo nokete jatend ajuoke duto.

Daniel 5:7

Ne ogoyo koko mondo oomne ajuoke, kendo kane gibiro nowachonigi niya, “Ng’ato ang’ata ma nyalo somo ndikoni, mi nyisa tiende, to norwakne law ruoth maralik, kod thiwni mar dhahabu mar duong’ne e ng’ute, kendo nobed jalupna mar adek.”

Mathayo 24:24

nikech Mesia mag miriambo kod jonabi ma ok madier notuchi. Ginitim ranyisi madongo kod honni, mondo kanyalore to giwuondgo kata mana joma Nyasaye oyiero.

Jo-Galatia 3:1

Yaye, un jo-Galatia mofuwogi! Ng’ano moseirou, un mane onyisu wach tho Yesu ratiro, mana ka gima ogure e msalaba e wang’u kunenoni?

Jo-Efeso 4:14

Koro ok wanachak wabed ka nyithindo mayomyom, ma yamo mar puonj moro amora uko, kendo tago, ka ji maricho wuondowa gi riekogi ma gidwaro witowago.

2 Jo-Thesalonika 2:9

Biro mar Ng’at Mochayo Chikno nobed tich Satan. Notim honni duto gi ranyisi mag miriambo,

2 Timotheo 3:8

Kaka Janes gi Jambre nokedo gi Musa, e kaka joma richogo bende kedo gi adiera. Gin joma parogi okethore, kendo joma yiegi orem.

2 Timotheo 3:9

To ok ginidhi nyime, nikech fupgi nofwenyre e lela e nyim ji duto, mana kaka fup Janes gi Jambre bende ne ofwenyore.

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.

1 Samuel 6:2

jo-Filistia noluongo jodolo kod ajuoke, mopenjogi niya, “Watim ang’o gi Sanduk mar Ruoth Nyasaye? Nyiswauru gima dwadwokego kuma ne entie.”