Wuok 6:8 - MUMA MALER 2015

⁸ Anateru e piny mane asingora ni nami Ibrahim gi Isaka kod Jakobo, kendo anamiugo mondo obed maru, an e Ruoth Nyasaye.’ ”

Motingʼo Loko Manyien

⁸ Kendo abiro kelou e piny mane akwongʼora ka atingʼo bada malo ni anami Ibrahim, Isaka kod Jakobo. Abiro miyougo kaka girkeni. An e Jehova Nyasaye.’ ”

Wuok 6:8 ပူးပေါင်းရင်းမြစ်များ

Chakruok 14:22

To Abram nodwoke niya, “Akuong’ora gi nying Ruoth Nyasaye, ma Nyasaye Maduong’ Moloyo, kendo ma Jachuech polo gi piny,

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

Chakruok 26:3

Dag adaga e pinyni mondi, eka nabed kodi kendo naguedhi, kamiyi pinyni duto gi nyikwayi. Kamano nachop singruok mane atimo ni Ibrahim wuoru.

Chakruok 28:13

Bende noneno Ruoth Nyasaye kochung’ bute, ka wachone niya, “An e Ruoth Nyasaye, ma Nyasach Ibrahim kwaru, kendo Nyasach Isaka, piny minindoeni abiro miyi gi nyikwayi.

Chakruok 35:12

Piny mane amiyo Ibrahim gi Isaka ema namiyi gi nyikwayi.”

Nehemia 9:15

Nimiyogi chiemo moa e polo mondo otieknigi kech, kendo nigolonigi pi e lwanda mondo gineg godo riyo; bende nichikogi mondo gidonj kendo gikaw piny mane ikuong’ori ni nimigi.

Wuok 13:5

Ruoth Nyasaye nosingore ni kwereu ni nomiu piny momew kendo machiek ahinya ma jo-Kanaan gi jo-Hiti gi jo-Amor gi jo-Hivi gi jo-Jebus odakie. Ka Ruoth Nyasaye oseterou kuno, to nyaka utim sawoni e due nogoni.

Wuok 32:13

Par jotichni ma Ibrahim gi Isaka kod Israel, kendo kaka nikuong’orinigi gi nyingi iwuon, kiwacho niya, ‘Anamiu nyikwayo mang’eny ka sulue ma e polo, kendo anamigi pinyni duto kaka nasingora, ni nobed margi nyaka chieng’.’ ”

Wuok 6:2

Nyasaye nowuoyo gi Musa, mowachone niya, “An e Ruoth Nyasaye.

Wuok 6:4

Bende natimo kodgi singruok, kawachonigi ni namigi piny Kanaan, mane ginie jodak.

Wuok 6:6

Omiyo koro nyaka iwachni jo-Israel kama: ‘An e Ruoth Nyasaye, abiro golou e tije mapek ma jo-Misri oketo kuomu, kendo abiro resou e tij bedo wasumbni maggi. Narie bada mang’ongo kuomgi, kakumogi malit mondo owaru.

Ezekiel 20:15

To ne akuong’ora e thim ni ok natergi e piny momew kendo maberie moloyo pinje mamoko duto mane asingora ni namigi.

Ezekiel 20:23

To ne achako akuong’ora e thim ni anakegi e kind ogendini mopogore opogore e piny ngima.

Ezekiel 20:28

Kane akelogi e piny mane asingora ni namigi, to kamoro amora mane ginenoe got mabor kata yath motimo otiep ne gitimoe misengni. Misengni miwang’o kod mago miolo piny mane gitimo, ne omiya mirima.

Ezekiel 20:42

kendo ka aduogou e piny Israel mane asingora ni anami kwereu, to unung’e ni an e Ruoth Nyasaye.

Ezekiel 36:7

“Emomiyo an Ruoth Nyasaye akuong’ora ni ogendini mokiewo gi Israel noyud wichkuot.

Ezekiel 47:14

Ne akuong’ora ni kwereu, kating’o bada, ni anamigi pinyni. Omiyo koro pogreuru maromre.

Kwan 10:29

Musa nowacho ni Hobab wuod Reuel ja-Midian ma ore niya, “Koro wawuok wadhi e piny ma Ruoth Nyasaye osewacho ni nomiwa. Yie wadhi kodi, kendo wabiro timoni maber, nimar Ruoth Nyasaye osesingore ni obiro guedhowa.”

Kwan 11:12

An e min-gi mane onywologi? Koso ka gidhi e piny mane isingori ni nimi kweregi, to nyaka ating’gi mana e kora kaka japidi ting’o nyathi?

Kwan 14:30

Onge ng’ato kuomu ma nodonj e piny mane akuong’ora kating’o bada ni nobed maru, to mak mana Kaleb wuod Jefune gi Joshua wuod Nun.

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Rapar mar Chik 32:40

Koro ating’o bada ka akuong’ora gi nyinga awuon mochwere ni,

Rapar mar Chik 4:31

Ruoth Nyasaye ma Nyasachu en Nyasaye mang’won, omiyo ok nojwang’u, kata kethou ok nokethu, kendo wiye ok nowil gi singruok ma notimo gi kwereu kokuong’ore.

Joshua 24:13

Namiyou piny mane luchu ok ochuerie, kod mier mane ok ugero, ma koro udakie, kendo uchamoe olemb mzabibu kod zeituni mane ok upidho.

Fweny 10:6

mi okuong’ore gi nying Jal mantie nyaka chieng’, kendo mane ochueyo polo gi piny gi nam kod gik moko duto manie igi. Nowacho niya, “Deko moro ok nochak obedie,

1 Samuel 15:29

Bende Nyasaye ma en Duong’ Maler mar Israel ok riambi kata lokre, nimar ok en dhano ma dolokre.”