Wuok 6:6 - MUMA MALER 2015

⁶ Omiyo koro nyaka iwachni jo-Israel kama: ‘An e Ruoth Nyasaye, abiro golou e tije mapek ma jo-Misri oketo kuomu, kendo abiro resou e tij bedo wasumbni maggi. Narie bada mang’ongo kuomgi, kakumogi malit mondo owaru.

Motingʼo Loko Manyien

⁶ “Emomiyo nyis jo-Israel kama: ‘An e Jehova Nyasaye kendo abiro golou e tije mapek ma jo-Misri oketo kuomu. Abiro miyo ubed thuolo e tij bedo wasumbini mag-gi kendo abiro resou kakumogi malit mondo awaru.

Wuok 6:6 ပူးပေါင်းရင်းမြစ်များ

1 Ruodhi 8:42

(nimar ji biro winjo humb nyingi maduong’, gi mar lueti motegno kod mar badi morie,)

2 Ruodhi 17:36

To an ema mondo ukulruna kendo utimna misango, nikech an ema nagolou e piny Misri gi teko maduong’, karieyo bada ni lweny.

1 Weche mag Ndalo 17:21

Ere oganda moro e piny, machalo gi jogi Israel? Bende nitie jopiny moro mane isedhi miwaro e tich wasumbni, miloko jogi? Isemiyo nyingi duong’ kuom timbe madongo kendo malich nikech iseriembo ogendini moko mondo owe thuolo ni jogi mane ireso kigolo e piny Misri.

Nehemia 1:10

A Ruoth Nyasaye, jo-Israel gin jotichni kendo jogo misewaro gi tekoni kod badi motegno.

Zaburi 77:16

A Nyasaye, kane pige oneni, to ne gidoko maluor, kendo kude mag nam nowalo.

Zaburi 81:11

To joga ne ok nyal winjo wachna. Adier, jo-Israel ne odagi mako chikna.

Zaburi 81:6

“Ne agolo ting’ mapek e goku, mi ne amiyo ubolo odheche mane utiyogo piny.

Zaburi 81:7

Kane un e thagruok, to ne uluonga, mi akonyou. Ne adwokou gie boche polo mapondoe, kendo ne amiyou tem e sokni mag Meriba.

Wuok 1:11

Kuom mano, jo-Misri noketo jo-Israel e tij athwon, ka nyipeche ritogi mondo giti matek, eka gibed moboch. Mano e kaka ne gigero ni Farao miech keno miluongo ni Pithom gi Rameses.

Wuok 12:41

To chieng’ mane higni mia ang’wen gi piero adekgo orumoe ema ne ogend Ruoth Nyasaye duto owuokie Misri.

Wuok 12:51

mi chieng’onogo, ema nogoloe jo-Israel e piny Misri, kochan gi e ogendgi.

Wuok 13:14

Ka chieng’ moro yawuotu penjou ni, ‘Ere tiend gima utimoni?’ To nyaka uduokgi niya, ‘Ruoth Nyasaye nogolowa gi tekone maduong’ e piny Misri, kuma ne wabedoe wasumbini.

Wuok 13:16

Timni nyaka bednu rapar, mana ka kido manie lwetu kata ka ranyisi manie lend wang’u, nikech Ruoth Nyasaye nogolowa Misri gi tekone maduong’.’ ”

Wuok 13:3

Musa nowacho ni jo-Israel niya, “Nyaka upar odiechieng’ ma uwuokie Misrini, nikech Ruoth Nyasaye ogolou gi tekone maduong’ e piny mane ubedoe wasumbini. Makati moketie thowi ok onego cham kawuono,

Wuok 15:13

Kuom herani mosiko isetelo ni joma niwaro. Kuom tekoni maduong’ isetelonigi nyaka kar dakni maler.

Wuok 16:6

Omiyo Musa kod Harun nowacho ni jo-Israel duto niya, “Godhiamboni ubiro ng’eyo ni adier Ruoth Nyasaye ema nogolou Misri,

Wuok 18:1

Jethro jadolo mar Midian, kendo jaduong’ Musa, nowinjo gik moko duto mane Nyasaye osetimo ni Musa gi jo-Israel, kendo kaka Ruoth Nyasaye nogologi Misri.

Wuok 2:11

Chieng’ moro kane Musa osedoko ng’at maduong’, nodhi mondo one jo-Israel wetene, moneno kaka ichunogi gi tich matek. To bende noneno ka ja-Misri moro goyo achiel kuom jo-Hibrania wetene.

Wuok 3:17

Koro aseng’ado wach ni nyaka agolu e piny Misri kuma isandoue, mi ateru e piny ma jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebuz odakie. En piny momew kendo machiek.’

Wuok 3:8

Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Wuok 32:11

To Musa nohombo Ruoth Nyasaye ma Nyasache, kowachone niya, “A Ruoth Nyasaye, ang’o momiyo iwang’o jogi gi mirimbi? Donge gin jogi mane igolo Misri gi teko maduong’?

Wuok 6:2

Nyasaye nowuoyo gi Musa, mowachone niya, “An e Ruoth Nyasaye.

Wuok 6:29

nowachone niya, “An e Ruoth Nyasaye. Nyis Farao ruodh Misri weche duto ma abiro wachoni.”

Wuok 6:8

Anateru e piny mane asingora ni nami Ibrahim gi Isaka kod Jakobo, kendo anamiugo mondo obed maru, an e Ruoth Nyasaye.’ ”

Wuok 7:4

To kata kamano Farao ok nowinju. Omiyo anasand Misri gi timbe madongo kakumo jo-Misri malich, mi nagol joga ma jo-Israel e Misri, kochan-gi e dhoutgi.

Wuok 7:5

Kamano jo-Misri nong’e ni an e Ruoth Nyasaye, katimonigi timbe madongo, kendo kagolo jo-Israel kuomgi.”

Isaya 9:12

Jo-Aram biro kedo kodgi gi yo wuok chieng’, to jo-Filistia biro monjogi gi yo podho chieng’, kendo gibiro mwonyo jo-Israel mana dichiel. To kata kamano, mirimb Ruoth Nyasaye ok norum, kendo pod nosik kokumogi akuma.

Isaya 9:17

Mano, emomiyo Ruoth Nyasaye ok nokech yawuotgi, bende ok nobed mamuol gi nyithi kiye kata gi mond liete, nikech giduto gin joricho, kendo gikia Nyasaye, bende ng’ato ka ng’ato kuomgi wacho mana weche mofuwo. Kata kamano, mirimb Ruoth Nyasaye ok norum, kendo pod nosik kokumogi akuma.

Isaya 9:21

To kata kamano mirimb Ruoth Nyasaye ok norum kendo pod nosik kokumogi akuma.

Jeremia 21:5

An awuon abiro kedo kodu ka iya owang’, kendo ka an gi mirima mager.

Jeremia 27:5

ema nachueyo piny gi tekona maduong’, kendo nachueyo dhano gi le duto modakie, omiyo anyalo kete e teko ng’ato ang’ata ma ayiero.

Jeremia 32:21

Ne itiyo gi tekoni maduong’ kod riekoni kuom timo ranyisi gi honni mane ibwogogo wasikwa, mi igolo jogi e piny Misri.

Ezekiel 20:33

“An Ruoth Nyasaye mangima akuong’ora ni abiro tiyo matek gi tekona duto kod mirimba mager.

Tich Joote 13:17

Nyasaye ma Nyasach jo-Israelgi noyiero kwerewa, moloko oganda motegno e ndalo mane gin jodak e piny Misri. Bang’e nogologi kuno gi tekone maduong’,

Rapar mar Chik 11:2

Kawuono paruru puonj mane uyudo kuom Ruoth Nyasaye ma Nyasachu, nimar, kata obedo ni nyithindu pok oneno kata pok ong’eyo puonjno, un to ung’eye. Bende paruru duong’ mar Ruoth Nyasaye gi tekone kod bade morie,

Rapar mar Chik 15:15

Paruru ni ne un wasumbni e piny Misri, to Ruoth Nyasaye ma Nyasachu noresou. Mano emomiyo amiyou chikni.

Rapar mar Chik 26:8

Kuom mano nogolowa e piny Misri gi teko maduong’ kod bat morie, kendo gi timbe madongo kod ranyisi gi honni.

Rapar mar Chik 4:23

Ritreuru mondo une ni wiu ok owil gi singruok mane Ruoth Nyasaye ma Nyasachu osetimo kodu. Kik ulos kido moro amora maket, kukethogo chik mar Ruoth Nyasaye ma Nyasachu,

Rapar mar Chik 4:34

Koso nitie Nyasaye moro mosetemo golo oganda moro kuom oganda machielo mane oselokogi wasumbni? Bende nyasaye moro osetimo timbe madongo gi ranyisi kod honni, kokedo gi teko maduong’ kendo komiyo ji luoro kod kibaji? To Ruoth Nyasaye ma Nyasachu notimonu gik ma kamago kogolou Misri mana kuneno gi wang’u.

Rapar mar Chik 5:15

Paruru malong’o ni un uwegi ne un wasumbni e piny Misri, to Ruoth Nyasaye ma Nyasachu nogolou kuno gi teko mathoth kod bat morie. Mano emomiyo Ruoth Nyasaye ma Nyasachu nochikou ni mondo urit Sabato.

Rapar mar Chik 6:12

to kik wiu wil gi Ruoth Nyasaye mane ogolou e piny Misri, kuma ne ubedoe wasumbni.

Rapar mar Chik 7:19

Paruru timbe madongo mane uneno gi wang’u kod ranyisi gi honni kaachiel gi teko maduong’ mane Ruoth Nyasaye ma Nyasachu ogolougo Misri gi bat morie. Kamano e kaka obiro timo ni ogendini duto muluorogo.

Rapar mar Chik 7:8

Noyierou mana nikech noherou, kendo nikech norito singruok mane otimo ni kwereu. Mano emomiyo nogolou gi tekone maduong’ e piny mane unie wasumbini, moresou e lwet Farao ruodh Misri.

Rapar mar Chik 9:29

To Ruoth Nyasaye, jogo gin jogi kendo mwanduni iwuon mane igolo e piny Misri gi tekoni maduong’ kod bat morie.’