Wuok 6:5 - MUMA MALER 2015

⁵ Koro asewinjo ywak jo-Israel ma jo-Misri oseloko wasumbni, mi aseparo singruok mane atimono.

Motingʼo Loko Manyien

⁵ To bende asewinjo ngʼur, mar jo-Israel ma jo-Misri oseloko wasumbinigi mi aparo singruokna.

Wuok 6:5 ပူးပေါင်းရင်းမြစ်များ

Chakruok 8:1

Nyasaye noparo Nowa kaachiel gi le kod jamni mane en go e yie omiyo notugo yamo okudho e piny, mi pi nochako duono.

Chakruok 9:15

to anapar singruok masetimo kodu kaachiel gi le duto ni pi ok nochak oketh gik mangima duto.

Zaburi 105:8

Obiro rito singruokne nyaka chieng’ kuom tienge gana gi gana.

Wuok 2:23

Bang’e achien, ruodh Misri notho, to jo-Israel ne pod ng’ur malich kuom bedo wasumbini, kendo ne giywak malit mondo ogolgi e thagruok ma kamano. Ywakgino notundo ni Nyasaye

Wuok 2:24

kendo nowinjo ng’urgi, mi noparo singruok mane otimo gi Ibrahim gi Isaka kod Jakobo.

Wuok 3:7

Bang’e, Nyasaye nowachone niya, “Aseneno ratiro kaka joga thagore e piny Misri. Asewinjo ywakgi, ka gikwayo ni mondo oresgi gia e lwet joma chunogi gi tich matekno. Adier ang’eyo chandruokgi.

Wuok 5:4

Farao, ruodh Misri nodwoko Musa gi Harun niya, “Marang’o umono ji tiyo tijegi? Doguru e tiju wasumbnigi!”

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Luka 1:54

Osekonyo jo-Israel jotichne,

Luka 1:72

Ne owacho bende ni notimni kwerewa ng’wono, kendo ni nopar singruokne maler.