Wuok 6:3 - MUMA MALER 2015

³ Nafwenyora ni Ibrahim gi Isaka kod Jakobo ka Nyasaye Manyalo Gik Moko Duto, to ne ok aweyo ging’eya gi nyinga mar Ruoth Nyasaye.

Motingʼo Loko Manyien

³ Ne afwenyora ne Ibrahim gi Isaka kod Jakobo kaka Nyasaye Maratego, to ne ok afwenyoranegi gi nyinga ma ungʼeyago ma en Jehova Nyasaye.

Wuok 6:3 ပူးပေါင်းရင်းမြစ်များ

Chakruok 13:18

Kuom mano, Abram nodar, modhi Hebron, kuma noguroe hembe but yien milemoe mag Mamre. Eka nodak kanyo mogeroe kendo-mar-misango ni Ruoth Nyasaye.

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

Chakruok 22:14

Ibrahim nochako kanyo ni Jehova-jire (Tiende ni Ruoth Nyasaye e jachiwo). Pod iwacho nyaka chil kawuono ni “God Ruoth Nyasaye ema nochiwee.”

Chakruok 28:3

Nyasaye Manyalo Gik Moko Duto oguedhi, kendo omiyi nyithindo mang’eny, mondo chieng’ moro idok wuon ogendini mathoth.

Chakruok 35:11

Nyasaye nowachone kendo niya, “An Nyasaye Manyalo Gik Moko Duto. Nywol nyithindo mang’eny ibed oganda maduong’. Inibed gi nyikwayo mathoth, mi ginidok ogendini mang’eny, kendo moko kuomgi nobed ruodhi.

Chakruok 48:3

Nowacho ni Josef niya, “Nyasaye Manyalo Gik Moko Duto nofwenyorena Luz e piny Kanaan, moguedha.

Zaburi 68:4

Weruru ni Nyasaye! Pakuru nyinge gi wer. Ee, denduru Ng’ama ringo gi gache e boche polo. Nyinge en Ruoth Nyasaye. Beduru mamor e nyime.

Zaburi 83:18

Kamano mondo ging’e, A Ruoth Nyasaye, ni in kende e Ruoth Maduong’ e piny ngima.

Wuok 15:3

Ruoth Nyasaye en jalweny, kendo Ruoth Nyasaye nyinge.

Wuok 23:21

Nyaka uwinj wachne, kendo utim kaka owacho. Kik utamru winje, nikech kutamoru kamano, to ok nowenu richo ma kamano, nimar an ema an kode.

Wuok 3:14

Nyasaye nowacho ni Musa niya, “AN MANTIE e nyinga.” Eka nomedo wacho niya, “Ma e gima mondo iwach ni jo-Israel: ‘AN MANTIE oseora iru.’ ”

Isaya 42:8

An e Ruoth Nyasaye, kendo mano e nyinga. Ok ayie mondo duong’ ma imiya omi nyasaye moro machielo, bende ok ayie mondo pak mipakago opakgo gik ma opa.

Isaya 44:6

Ruoth Nyasaye Manyalo Gik Moko Duto ma Ruodh jo-Israel kendo jawargi, wacho niya, “An e mokwongo, kendo an e mogik, bende onge Nyasaye moro mak mana an.

Jeremia 16:21

Ruoth Nyasaye nodwoko niya, “Mano emomiyo abiro nyisogi tekona gi duong’na dichiel kendo mogik, mi gibiro ng’eyo ni an e Ruoth Nyasaye.”

Jeremia 33:2

Nowachone kama: “An Ruoth Nyasaye mane ochueyo piny, mi oloso kendo oguro motegno, nyinga en Ruoth Nyasaye.

Ezekiel 20:5

Nyisgi ni an Ruoth Nyasaye awacho ni, kane ayiero jo-Israel, ne afwenyoranigi e piny Misri, mi akuong’ora ni an Ruoth Nyasaye ma Nyasachgi.

Ezekiel 37:13

Ka aelo lieteu, kendo agolou oko kamano, to unung’e ni an e Ruoth Nyasaye.

Ezekiel 37:6

Abiro keto leche kuomu, mi amiu ring’o kod pien. Eka anami muya donj kuomu, mi uchak ubed ji mangima. Bang’ mano, unung’e ni an e Ruoth Nyasaye.’ ”

Johana 8:58

To Yesu nodwokogi ni, “Adier, adier, awachonu ni, kane pok onywol Ibrahim to ne antie.”

Fweny 1:4

An Johana andiko ni kanyakla abiriyo mag jo-Kristo man e piny Asia, kawacho kama: Beduru gi ng’wono kod kue moa kuom Nyasaye mantie, kendo mane nitie, bende mapod biro biro, kendo moa kuom Roho abiriyo manie nyim kom duong’ne,

Ruth 1:20

To Naomi nowachonigi niya, “Kik uluonga ni Naomi, tiende ni Ng’ama Mor, to luongauru ni Malit, nikech Ng’ama Nyalo Gik Moko Duto osetimona malit ahinya.