Wuok 6:26 - MUMA MALER 2015

²⁶ Ma e Harun nogo, kaachiel gi Musa, mane Ruoth Nysaye owachonigi niya, “Goluru jo-Israel e piny Misri kochan-gi e dhoutgi.”

Motingʼo Loko Manyien

²⁶ Ma e Harun nogo kod Musa mane Jehova Nyasaye owachonegi niya, “Gol jo-Israel oa e piny Misri kaluwore gi dhoutgi”

Wuok 6:26 ပူးပေါင်းရင်းမြစ်များ

Chakruok 2:1

Kamano Ruoth Nyasaye notieko chueyo polo gi piny kod gik moko duto mantie.

1 Weche mag Ndalo 6:3

To yawuot Amram ne Harun gi Nadab gi Abihu gi Eleazar kod Ithamar.

Zaburi 77:20

Ne itayo jogi ka jakwath, ka gin e lwet Musa gi Harun.

Zaburi 99:6

Musa gi Harun ne jodolo mage. Samuel bende ne achiel kuom joma lame. Giduto ne giywak ni Ruoth Nyasaye, mi owinjogi.

Wuok 12:17

Nyaka utim sawo mar makati ma ok ketie thowi, nikech chieng’no ema nagolie ogendu e piny Misri. Tiengeu duto nyaka rit odiechieng’no mondo obed chieng’ sawo mochwere.

Wuok 12:41

To chieng’ mane higni mia ang’wen gi piero adekgo orumoe ema ne ogend Ruoth Nyasaye duto owuokie Misri.

Wuok 12:51

mi chieng’onogo, ema nogoloe jo-Israel e piny Misri, kochan gi e ogendgi.

Wuok 13:18

Omiyo kar luwo yorno to Nyasaye notelonigi e yo maluoro maluwo thim kochomo Nam Makwar. Jo-Israel noa Misri koikore ni lweny.

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Wuok 32:1

Kane ji oneno ni Musa osedeko e got, kapok olor piny, ne gichokore kuom Harun, mi giwachone niya, “Bi ilosnwa nyasaye mondo otelnwa, nikech wakia gima osetimo ng’at ma Musano, mane ogolowa e piny Misri.”

Wuok 32:11

To Musa nohombo Ruoth Nyasaye ma Nyasache, kowachone niya, “A Ruoth Nyasaye, ang’o momiyo iwang’o jogi gi mirimbi? Donge gin jogi mane igolo Misri gi teko maduong’?

Wuok 32:7

Ruoth Nyasaye nowacho ni Musa niya, “Lor piyopiyo, nikech jou mane igolo Misri osetimo marach.

Wuok 6:13

To Ruoth Nyasaye nochiko Musa gi Harun ni gidhi ginyis jo-Israel kaachiel gi Farao ruodh Misri ni Ruoth Nyasaye osemiyogi tich mar golo jo-Israel e piny Misri.

Wuok 6:20

Amram nokendo Jokebed nyamin wuon mare, ma nonywolone Harun gi Musa. Amram nodak higni mia achiel gi piero adek gabiriyo.

Wuok 6:7

Anakawu ka joga awuon, kendo anabed Nyasachu, mi unung’e ni an e Ruoth Nyasaye ma Nyasachu ma golou e tij jo-Misri mapek michunou mondo uti.

Wuok 7:4

To kata kamano Farao ok nowinju. Omiyo anasand Misri gi timbe madongo kakumo jo-Misri malich, mi nagol joga ma jo-Israel e Misri, kochan-gi e dhoutgi.

Mika 6:4

Nene agolou e piny Misri, kendo aresou e tich bedo wasumbni, Ne aoro Musa gi Arun kod Miriam mondo otelnu.

Kwan 33:1

Kane Musa gi Harun otelo ni jo-Israel e dhoutgi ka giwuok e piny Misri,

Joshua 24:5

Bang’e naoro Musa kod Harun, kendo nakelo chandruok mathoth ni jo-Misri, eka nagolou kuno.

1 Samuel 12:6

Eka Samuel nowacho ni ji niya, “Adier, Ruoth Nyasaye mane omiyou Musa gi Harun, kendo mane ogolo kwereu e piny Misri, ema obedo janeno.

1 Samuel 12:8

Kane Jakobo gi yawuote osedhi Misri, jo-Misri koro ne sando nyikwagi ma kwereu. Omiyo ne giywak ni Ruoth Nyasaye, mi Ruoth Nyasaye nooro Musa gi Harun mogologi, kendo omiyogi kama wadakieni.