Wuok 6:2 - MUMA MALER 2015

² Nyasaye nowuoyo gi Musa, mowachone niya, “An e Ruoth Nyasaye.

Motingʼo Loko Manyien

² Nyasaye bende nonyiso Musa kama, “An e Jehova Nyasaye.

Wuok 6:2 ပူးပေါင်းရင်းမြစ်များ

Chakruok 15:7

mi nowachone niya, “An e Ruoth Nyasaye mane ogoli Ur e piny Kaldea mondo omiyi pinyni idagie.”

Wuok 12:12

Otienono nawuoth e piny Misri duto kendo naneg nyathi ka nyathi ma dichwo makayo mar dhano kod mar chiayo. An e Ruoth Nyasaye, kendo anakum nyiseche duto mag jo-Misri.

Wuok 14:18

Eka jo-Misri nong’e ni kara an Ruoth Nyasaye, kaseloyogi.”

Wuok 15:3

Ruoth Nyasaye en jalweny, kendo Ruoth Nyasaye nyinge.

Wuok 17:1

Oganda duto mar jo-Israel nowuok e thim Sin, mi giwuotho matintin kaka Ruoth Nyasaye ne chikogi. Ne gibworo Refidim, to pi modho ne onge kuno.

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Wuok 3:14

Nyasaye nowacho ni Musa niya, “AN MANTIE e nyinga.” Eka nomedo wacho niya, “Ma e gima mondo iwach ni jo-Israel: ‘AN MANTIE oseora iru.’ ”

Wuok 3:15

Nyasaye nochako owacho ni Musa niya, “Nyaka iwach ni jo-Israel kama: ‘Ruoth Nyasaye ma Nyasach kwereu, ma Nyasach Ibrahim, gi Isaka kod Jakobo, oseora iru.’ Ma e nyinga ma nyaka chieng’, kendo ma tienge mabiro duto noluongago.

Wuok 6:29

nowachone niya, “An e Ruoth Nyasaye. Nyis Farao ruodh Misri weche duto ma abiro wachoni.”

Wuok 6:6

Omiyo koro nyaka iwachni jo-Israel kama: ‘An e Ruoth Nyasaye, abiro golou e tije mapek ma jo-Misri oketo kuomu, kendo abiro resou e tij bedo wasumbni maggi. Narie bada mang’ongo kuomgi, kakumogi malit mondo owaru.

Wuok 6:8

Anateru e piny mane asingora ni nami Ibrahim gi Isaka kod Jakobo, kendo anamiugo mondo obed maru, an e Ruoth Nyasaye.’ ”

Isaya 42:8

An e Ruoth Nyasaye, kendo mano e nyinga. Ok ayie mondo duong’ ma imiya omi nyasaye moro machielo, bende ok ayie mondo pak mipakago opakgo gik ma opa.

Isaya 43:11

An kende e Ruoth Nyasaye. Onge jawar moro mak mana an.

Isaya 43:15

An e Ruoth Nyasaye ma Ng’ama Ler, ma jachuechu, kendo ma Ruodhu, yaye Israel!”

Isaya 44:6

Ruoth Nyasaye Manyalo Gik Moko Duto ma Ruodh jo-Israel kendo jawargi, wacho niya, “An e mokwongo, kendo an e mogik, bende onge Nyasaye moro mak mana an.

Jeremia 9:24

To ng’at madwaro sungore, to mondo osungre mana nikech ong’eya, kendo wechena osedonjone, nimar an Ruoth Nyasaye ahero ji gi hera mosiko, kendo atimo gik makare kendo mowinjore e piny, nikech kamano e kaka adwaro. An Ruoth Nyasaye ema awacho kamano.”

Ezekiel 20:5

Nyisgi ni an Ruoth Nyasaye awacho ni, kane ayiero jo-Israel, ne afwenyoranigi e piny Misri, mi akuong’ora ni an Ruoth Nyasaye ma Nyasachgi.

Malaki 3:6

Ruoth Nyasaye omedo wacho niya, “An Ruoth Nyasaye, kendo ok alokra. Mano emomiyo un nyikwa Jakobo pok urumo chuth.