Wuok 6:1 - MUMA MALER 2015

¹ Ruoth Nyasaye nowacho ni Musa niya, “Koro ibiro neno gima abiro timo ni Farao. Abiro chune mondo owe jo-Israel odhi. Adier abiro chune ni nyaka oriembgi e pinye.”

Motingʼo Loko Manyien

¹ Eka Jehova Nyasaye nowacho ne Musa niya, “Koro ibiro neno gino ma abiro timo ne Farao: Nikech bada man-gi teko, obiro weyogi mondo gidhi; kendo nikech tekona maduongʼ obiro riembogi mi gia e pinye.”

Wuok 6:1 ပူးပေါင်းရင်းမြစ်များ

2 Ruodhi 7:19

Jaduong’ lweny cha nosewacho ni ng’at Nyasaye niya, “Bende gini ditimre adier, kata da Ruoth Nyasaye yaw dirise polo?” To Elisha nosedwoke niya, “Ibiro neno gi wang’i to ok inichame.”

2 Ruodhi 7:2

Jaduong’ lweny ma nyagach ruoth nowacho ni ng’at Nyasaye niya, “Bende gini ditimre adier, kata da Ruoth Nyasaye yaw dirise polo?” To nodwoke niya, “Ibiro nene gi wang’i, to ok nichame!”

2 Weche mag Ndalo 20:17

To un, jo-Juda gi jo-Jerusalem, ok onego uked e lwenjni. Kuseriedo ni lweny, to uchung’ achung’a, mondo une kaka Ruoth Nyasaye biro lochonu. Kik uluor, kendo chunyu kik parre. Kiny uwuognigi awuoga, kendo Ruoth Nyasaye biro konyou.”

Zaburi 12:5

To Ruoth Nyasaye wacho niya, “Koro abiro biro nikech ithiro jochan, kendo joma isando chur malit nikech rem. Abiro miyogi kue ma gigombo.”

Zaburi 12:6

Weche Nyasaye gin weche migeno, nikech giliw ka fedha moleny e mach dibiriyo.

Zaburi 136:12

Adier, nogologi gi lwete motegno kod bade mojing’! Herane mosiko ochwere.

Zaburi 89:13

Mano kaka iratego! Adier, mano kaka tekoni ng’eny!

Wuok 11:1

Ruoth Nyasaye nowacho ni Musa niya, “Koro odong’ masira achiel ma abiro kelo ni Farao gi jo-Misri. Eka noweu udhi. To ok mano kende, to noriembu mana kaka ng’at ma riembo chiege.

Wuok 12:31

Otieno nogo Farao noluongo Musa gi Harun mowachonigi niya, “Wuoguru gi jo-Israel piyopiyo mondo uwe joga. Dhiuru ulam Ruoth Nyasaye kaka usekwayo.

Wuok 12:33

Jo-Misri norungo jo-Israel mondo oa e pinygi piyopiyo, ka giwacho niya, “Waduto wabiro tho ka ok ua.”

Wuok 12:39

Ne gikawo mogo modwal mane giago Misri, mi gitedogo makati ma ok oketie thowi. Ne ok oketie thowi nikech ne oriembgi gia Misri apoya. Bende ne ok giyudo thuolo kata mana mar tedo chiemo ma gidhi chamo e wuoth.

Wuok 13:14

Ka chieng’ moro yawuotu penjou ni, ‘Ere tiend gima utimoni?’ To nyaka uduokgi niya, ‘Ruoth Nyasaye nogolowa gi tekone maduong’ e piny Misri, kuma ne wabedoe wasumbini.

Wuok 13:16

Timni nyaka bednu rapar, mana ka kido manie lwetu kata ka ranyisi manie lend wang’u, nikech Ruoth Nyasaye nogolowa Misri gi tekone maduong’.’ ”

Wuok 13:3

Musa nowacho ni jo-Israel niya, “Nyaka upar odiechieng’ ma uwuokie Misrini, nikech Ruoth Nyasaye ogolou gi tekone maduong’ e piny mane ubedoe wasumbini. Makati moketie thowi ok onego cham kawuono,

Wuok 13:9

Raparni nyaka bed ka kido e lwetu, kendo ka ranyisi e lela wang’u mondo usik kuwacho chik Ruoth Nyasaye e dhou, nimar Ruoth Nyasaye nogolou Misri gi tekone maduong’.

Wuok 14:13

Musa nodwokogi niya, “Kik uluor! Chung’uru motegno mondo une kaka Ruoth Nyasaye biro resou kawuono, nimar jo-Misri munenogi, ok unune kendo.

Wuok 15:6

“A Ruoth Nyasaye, badi ma korachwich nigi teko maduong! Oturo wasiki matindotindo.

Wuok 7:4

To kata kamano Farao ok nowinju. Omiyo anasand Misri gi timbe madongo kakumo jo-Misri malich, mi nagol joga ma jo-Israel e Misri, kochan-gi e dhoutgi.

Wuok 7:5

Kamano jo-Misri nong’e ni an e Ruoth Nyasaye, katimonigi timbe madongo, kendo kagolo jo-Israel kuomgi.”

Isaya 63:12

kendo mane otiyo gi tekone mang’ongo e dir Musa korachwich, mobarogo pi e nyimgi, mondo nyinge oyud duong’ mochwere?

Kwan 11:23

Eka Ruoth Nyasaye nopenjo Musa niya, “Bende nitie gimoro manyalo tamo Ruoth Nyasaye? Kawuono ibiro ng’eyo ka wechena gin adier, kata ka ok gin adier.”

Kwan 23:23

Tim ajuoke onge kuom joka Jakobo, Adier, timbe ndagla onge kuom jo-Israel. Koro ma e sa monego wanyisie joka Jakobo ma jo-Israel niya, ‘Neyeuru gima Nyasaye osetimonu!’

Tich Joote 13:17

Nyasaye ma Nyasach jo-Israelgi noyiero kwerewa, moloko oganda motegno e ndalo mane gin jodak e piny Misri. Bang’e nogologi kuno gi tekone maduong’,

Rapar mar Chik 32:39

“Koro ng’euru malong’o ni an e Nyasaye, kendo onge nyasaye moro, mak mana an. An kende ema anego ji, kendo an ema achiwo ngima. Ahinyo, bende achango. Onge ng’ama nyalo reso ng’ato e lweta.

Rapar mar Chik 4:34

Koso nitie Nyasaye moro mosetemo golo oganda moro kuom oganda machielo mane oselokogi wasumbni? Bende nyasaye moro osetimo timbe madongo gi ranyisi kod honni, kokedo gi teko maduong’ kendo komiyo ji luoro kod kibaji? To Ruoth Nyasaye ma Nyasachu notimonu gik ma kamago kogolou Misri mana kuneno gi wang’u.