Wuok 5:9 - MUMA MALER 2015

⁹ Mednigiuru tich matek, mondo gibed modich, kendo giwe chiko itgi e weche manono.”

Motingʼo Loko Manyien

⁹ Keturu tich obed matekie moloyo ni jogi mondo gisiki ka gitiyo kendo kik uchik itu ne miriambogi.”

Wuok 5:9 ပူးပေါင်းရင်းမြစ်များ

2 Ruodhi 18:20

Iparo ni weche awecha nyalo lokore rieko kod teko mar loyo lweny? En ng’a ma igeno ni biro konyi piem koda?

Ayub 16:3

Ubiro siko kuloso kamano nyaka karang’o? Ang’o momiyo utamoru ling’?

Wuok 5:10

Jorit nowuok kaachiei gi nyipeche, mowacho ni jo-Israel niya, “Farao osewacho ni ok obi medo miyou tiang’.

Wuok 5:8

To nyaka une ni giloso matafari ma kwan-gi romre gi mago ma gisebedo ka giloso. Kik uwe kwanno dog chien! Gin jonyawo, emomiyo gigoyo koko ni mondo gidhi gitim misango ni Nyasachgi.

Jeremia 43:2

Azaria wuod Hoshaya kod Johanan wuod Karea, kaachiel gi ji mamoko duto ma wigi tek, ne jowacho ni Jeremia niya, “Iriambo! Ruoth Nyasachwa ok oseori mondo ikwerwa ni kik wadhi wadag Misri.

Zekaria 1:6

To donge wechena gi chikena mane amiyo jotichna ma jonabi mondo osiemgo kwereu ne otimore, mi masira omakogi? Koso donge ne gilokore mi giweyo timbegi maricho, ka giwacho niya, ‘Ruoth Nyasaye Manyalo Gik Moko Duto osetimonwa kaka nochano. Adier, osetimonwa mana maromre gi timbewa.’ ”

Malaki 3:14

Bende usewacho ni, ‘Tiyo ni Nyasaye onge gi tiende. Ere tiend timo gima Ruoth Nyasaye Manyalo Gik Moko Duto owacho, kata ywagruok e nyime, kwanyise ni wayie kethowa?

Jo-Efeso 5:6

Kik uwe ng’ato wuondu gi weche manono, nikech gik ma kamago ema miyo Nyasaye olo mirimbe kuom joma tamore winjo wachne.