Wuok 5:12 - MUMA MALER 2015

¹² Omiyo ji noke e piny Misri duto, ka dwaro tiang’.

Motingʼo Loko Manyien

¹² Omiyo jo-Israel nokee e piny Misri duto ka gichoko lum.

Wuok 5:12 ပူးပေါင်းရင်းမြစ်များ

Wuok 15:7

Kuom duong’ mar tekoni niloyo joma nopiem kodi. Mirimbi noliel ka mach, mowang’ogi ka tiang’.

Wuok 5:11

To ni nyaka udhi udwar tiang’ uwegi kamoro amora moyudoree. To bende nyaka ulos matafari ma kwan-gi romre gi mago muloso pile.”

Wuok 5:13

Jorit ne rungogi ka wacho niya, “Odiechieng’ kodiechieng’ nyaka utiek tich momiu, mana kaka nutimo e ndalo mane imiyoue tiang’.”

Isaya 47:14

To winji, gichalo tiang’ ma mach wang’o. Ok ginyal kata mana resore gin giwegi e mach, kendo majno ok nobed mach maberber, minyalo bet bute kioyo.

Isaya 5:24

Emomiyo kaka ligek mach wang’o yugi, mi tieki, kendo kaka tiang’ wang’ mi rum e mach mager, e kaka un bende unulal nono mana ka buru, nimar usechayo chik Ruoth Nyasaye Manyalo Gik Moko Duto, kendo usedagi wach Ng’ama Ler mar Israel.

Joel 2:5

Kiwinjogi ka gichikore ewi gode, to gichalo ka geche maringo, kata ka lum motwo ma mach wang’o. Ochan-gi mana ka oganda lweny maduong’ moriedo ni lweny.

Obadia 1:18

Joka Jakobo gi joka Josef nochal mach, mi ginitiek joka Esau manaa kaka mach wang’o tiang’ mi tieki. Onge nyakwar Esau moro ma nodong’ kangima. An Ruoth Nyasaye ema asewacho kamano.”

Nahum 1:10

Giduto giniwang’ pep mana ka kudho mochoki, kata ka tiang’ motwo.

1 Jo-Korintho 3:12

Ng’ato nyalo gedo kuom miseno gi dhahabu, kata gi fedha, kata gi kite ma nengogi tek, kata gi yien, kata gi lum, kata gi odundu,