Wuok 5:1 - MUMA MALER 2015

¹ Bang’e, Musa kod Harun nodhi ir Farao, mowachone niya, “Ruoth Nyasaye ma Nyasach jo-Israel owacho kama: ‘We joga odhi, mondo otimna sawo e thim.’ ”

Motingʼo Loko Manyien

¹ Bangʼe Musa gi Harun nodhi ir Farao mi giwachone niya, “Jehova Nyasaye, ma Nyasach jo-Israel wacho kama: ‘We joga odhi, mondo gilosna sawo e thim.’ ”

Wuok 5:1 ပူးပေါင်းရင်းမြစ်များ

1 Ruodhi 21:20

Ahab nowacho ni Elija niya, “Yaye, jasika, kara isenwang’a?” Nodwoke ni “Ee, asenwang’i, nikech isechiwori mar timo gik ma Ruoth Nyasaye okwero.

Zaburi 119:46

bende anahul ni ruodhi chikeni, ka aonge gi wich kuot.

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Wuok 10:4

Ka pod itamori miyo joga thuolo mondo oa, to kiny nakel bonyo e pinyi,

Wuok 10:9

Musa nodwoke niya, “Wabiro dhi waduto, joma tindo kod joma dongo, nyiri gi yawuowi, kaachiel gi jamni duto, nimar waduto nyaka watim ni Ruoth Nyasaye sawo.”

Wuok 3:18

Kamano jo-Israel biro winjo gima iwacho. Bang’e nyaka udhi gi jodong Israel ir ruodh Misri, kendo uwachne niya, ‘Ruoth Nyasaye ma Nyasach jo-Hibrania, oseromo kodwa. Omiyo koro yie iwe wadhi e thim kuom wuodh ndalo adek, mondo watim misango ni Ruoth Nyasaye ma Nyasachwa.’

Wuok 33:13

Ka imor koda kamano, to koro akwayi mondo ipuonja yoreni mondo ang’eyi, kendo imed bedo mamor koda. To bende ng’e malong’o ni jogi gin jogi.”

Wuok 4:23

Nawachoni ni mondo iwe wuoda odhi olama, to nidagi, omiyo koro abiro nego wuodi makayo.’ ”

Wuok 6:11

“Dhi inyis Farao ruodh Misri ni nyaka owe jo-Israel oa e pinye.”

Wuok 6:27

Musa gi Harun gogo ema nowacho ni Farao ruodh Misri ni mondo owe jo-Israel oa Misri.

Wuok 7:16

Nyis Farao kama: ‘Ruoth Nysaye ma Nyasach jo-Hibrania ne oora mondo anyisi ni, we joge oa mondo odhi olame e thim. To nyaka chil kawuono pok isetimo kamano.

Wuok 7:2

Ininyis Harun owadu weche duto ma abiro chiki mondo iwachi, to en ema nowach ni Farao ni mondo owe jo-Israel oa e pinye.

Wuok 8:1

Ruoth Nyasaye nowacho ni Musa niya, “Dhiyo ir Farao mondo inyise ni Ruoth Nyasaye owacho kama: ‘We joga oa mondo odhi olama.

Wuok 8:16

Ruoth Nyasaye nowacho ni Musa niya, “Nyis Harun ni mondo ochwad piny gi ludhe mi buru biro lokore kikun e piny Misri duto.”

Wuok 8:17

Ne giwinjo gima nowachonigi mi Harun norieyo ludhe, mochwadogo piny, mi buru nolokore kikun, kuom ji gi jamni. Buru duto manie Misri nolokore kikun.

Wuok 8:20

Ruoth Nyasaye nowacho ni Musa niya, “Dhiyo gokinyi mang’ich, mondo irom gi Farao, ka dhi aora Nael, kendo inyise ni Ruoth Nyasaye owacho kama: ‘We joga oa mondo odhi olama.

Wuok 8:27

Omiyo nyaka wadhi e thim kuom wuodh ndalo adek, mondo watim misango ni Ruoth Nyasaye ma Nyasachwa mana kaka nochikowa.”

Wuok 9:1

Ruoth Nyasaye nowacho ni Musa niya, “Dhiyo ir Farao mondo inyise ni Ruoth Nyasaye ma Nyasach jo-Hibrania owacho kama, ‘We joga oa mondo odhi olama.

Wuok 9:2

To ka idagi weyogi,

Isaya 25:6

Kamano Ruoth Nyasaye Manyalo Gik Moko Duto biro loso sawo mamit ni ji duto ewi got Sayun. Enobed sawo mar divai mochiek chuth, kendo modhing’ maber, kod chiemo mamit motimo mo.

Ezekiel 2:6

“To in wuod dhano, kik iluorgi, kata kik iluor gima giwacho. Gibiro lwori mana ka kudho, mi giketi diere, kendo inichal mana ka gima idak e kind thomoni. To kata kamano, kik iwe joma wigi tekgo bwogi, kata kik iluor gimoro amora ma giwacho.

Mathayo 10:18

Noteru e nyim jotelo, kendo e nyim ruodhi nikech an, mi unuland Wach Maber ni jogo, kendo ni joma ok jo-Yahudi.

Mathayo 10:28

Kik uluor joma nego mana ringruok kende, to ok nyal nego chuny. To luoruru Jal ma nyalo tieko chuny kaachiel gi ringruok e mach mak rum.

Tich Joote 4:29

To koro Ruoth, yie iwinj siem ma gisiemowago, mondo imi jotichni oland wachni gi chir duto.

1 Jo-Korintho 5:8

Emomiyo koro watimuru sawo mana gi makati ma ok ketie thowi, tiende ni makati mar chuny ler kod adiera, to ok makati moketie thowi machon mar himruok kod richo.