Wuok 40:38 - MUMA MALER 2015

³⁸ Kamoro amora mane jo-Israel dhiye, bor polo mar Ruoth Nyasaye nosiko ewi Hema Maler godiechieng’, to gotieno mach ne liel ei bor polono, kendo jo-Israel duto ne nyalo nene.

Motingʼo Loko Manyien

³⁸ Kuom mano bor polo mar Jehova Nyasaye ne nitie ewi Hemb Romo godiechiengʼ, to mach ne nitie ei bor polono gotieno e nyim jo-Israel duto e wuodhegi.

Wuok 40:38 ပူးပေါင်းရင်းမြစ်များ

2 Samuel 7:6

Chakre ndalo mane agoloe jo-Israel e piny Misri, nyaka chil kawuono, pok adak e ot, to asebet ka adak e hema.

Zaburi 105:39

Nyasaye ne oyaro bor polo ka pasia mondo ogeng’go joge, bende ne omiyogi mach mamenyonigi gotieno.

Zaburi 78:14

E kinde mag odiechieng’ ne otelonigi gi bor polo, to otieno duto ne otelonigi gi mach maliel.

Wuok 13:21

Godiechieng’ Ruoth Nyasaye notelo nyimgi kobet e siro mar bor polo, mondo onyisgi yo, to gotieno notelo nyimgi ei siro mar mach, mondo omenynigi ler. Kamano ne ginyalo wuotho odiechieng’ gotieno.

Wuok 13:22

Siro mar bor polo nosiko kotelo nyimgi godiechieng’ to siro mar mach ne telonigi gotieno.

Kwan 10:34

Bor polo mar Ruoth Nyasaye ne ochung’ e wigi godiechieng’ ka gin e wuoth.

Kwan 9:12

Kik lembe moro dong’ nyaka okinyi, kendo kik tur choke kata achiel. Pasaka nyaka tim mana kaka chik dwaro.

Kwan 9:15

Chieng’ mane giguroe Hema Maler, ma en Hemb Rapar, bor polo ne oime, to godhiambo ler machal gi mach nothinyore e wiye, mosiko kanyo nyaka okinyi.

Kwan 9:16

Kamano bor polo noime godiechieng’, to gotieno ne nitie ler machal gi mach.