Wuok 40:34 - MUMA MALER 2015

³⁴ mi bor polo noimo Hemb Romo, kendo duong’ maler mar Ruoth Nyasaye nopong’e.

Motingʼo Loko Manyien

³⁴ Eka bor polo noumo Hemb Romo kendo duongʼ mar Jehova Nyasaye nopongʼo Hemb Romono.

Wuok 40:34 ပူးပေါင်းရင်းမြစ်များ

2 Samuel 7:6

Chakre ndalo mane agoloe jo-Israel e piny Misri, nyaka chil kawuono, pok adak e ot, to asebet ka adak e hema.

2 Weche mag Ndalo 5:13

Joma ne goyo tung’go kaachiel gi jower, ne wer ka pako Ruoth Nyasaye, kendo goyone erokamano. Ne gigoyo tung’ gi thumbe mopogore opogore ka gipako Ruoth Nyasaye gi wer niya, “Ruoth Nyasaye ber! Herane mosiko ochwere.”

2 Weche mag Ndalo 7:2

Jodongo ne ok nyal donjo e Hekalu nikech duong’ mar Ruoth Nyasaye nopong’e.

Wuok 14:24

Kane piny dwa yawore, Ruoth Nyasaye nong’iyo jolweny mag Misri gi e siro mar mach kod mar bor polo, mi nomiyo kihondko omakogi.

Wuok 16:10

Kane Harun pod wuoyo gi jo-Israel, ne ging’iyo yo ka thim, kendo ne gipo ka duong’ maler mar Ruoth Nyasaye othinyore e bor polo.

Wuok 25:8

Bang’ mano gigerna Kama Ler mondo adag kodgi.

Wuok 29:43

Kanyo bende ema naromie gi jo-Israel, kendo duong’na maler nomi kanyono bedo maler.

Wuok 33:9

To kane Musa osedonjo e hema, bor polo ne lor piny kendo chung’ e dho hema ka Ruoth Nyasaye wuoyo gi Musa.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Isaya 6:4

E kinde ka kinde mane gikokie kamano, mise mag dhoudi ne yiengni, kendo iro ne pong’o Hekalu.

Ezekiel 10:4

Duong’ maler mar Ruoth Nyasaye nosewuok moa e wi kerubi, mi odhi e dhood Hekalu. Eka bor polo nopong’o Hekalu, kendo duong’ maler mar Ruoth Nyasaye ne rieny e laru.

Tim jo-Lawi 16:2

Ruoth Nyasaye nowacho ni Musa niya, “Nyis Harun owadu ni kik okadh pasia, mi odonj e Kama Ler e nyim raum Sandug Muma miluongo ni kar ng’wono, mak mana e kinde moketi, nono to otho, nikech afwenyora gi e bor polo man ewi raum.

Hagai 2:7

Bende anayieng ogendini duto, mi mwandugi duto nobi ka, mi anapong’ Hekalu gi duong’ maler. An Ruoth Nyasaye ema awacho kamano.

Hagai 2:9

Duong’ ma Hekaluni biro bedogo achien nolo duong’ mane en go mokwongo, kendo anakel kue gi gueth ka. An Ruoth Nyasaye Manyalo Gik Moko Duto awacho kamano.”

Kwan 7:89

To kane Musa odonjo e Hemb Romo mondo owuo gi Nyasaye, nowinjo Dwond Nyasaye ka wuoyo kode ewi raum mar Sandug Rapar miluongo ni kar-ng’wono, e kind kido ariyo machalo gi malaika miluongo ni kerubi.

Jo-Rumi 9:4

Jo-Israel gin joma Nyasaye oseyiero mondo obed nyithinde. Ne onyisogi duong’ne maler, kendo ne otimo kodgi singruok madongo. Nomiyogi Chik Musa kendo nonyisogi kaka onego gilame e Hekalu. Bende nosingorenigi ni obiro guedhogi.

Fweny 15:8

To iro moa kuom duong’ maler mar Nyasaye gi tekone nopong’o Hekalu, omiyo onge ng’ama ne nyalo donjo e Hekalu ka masiche abiriyo mag malaika abiriyogo pok orumo.

Fweny 21:3

Ne awinjo dwol maduong’ moa e kom maduong’ kawacho niya, “Koro Nyasaye osebiro dak gi ji! Obiro dak kodgi kendo ginibed joge. Nyasaye owuon biro bet kodgi, mi obed Nyasachgi.