Wuok 40:18 - MUMA MALER 2015

¹⁸ Nochunge kama: Nochano rachungi, morwakoe bepe, kendo noketo raripene mochungogo sirni.

Motingʼo Loko Manyien

¹⁸ Kane Musa ochungo Hema noketo rachungi kargi morwako bepe kendo ochungo sirni.

Wuok 40:18 ပူးပေါင်းရင်းမြစ်များ

2 Samuel 7:6

Chakre ndalo mane agoloe jo-Israel e piny Misri, nyaka chil kawuono, pok adak e ot, to asebet ka adak e hema.

Wuok 40:17

Omiyo chieng’ due achiel mar due mokwongo e higa mar ariyo kane gia Misri, nochungo Hema Maler.

Wuok 40:19

Noyaro hema maoko e wi Hema maler, mi noume gi raumne kaka Ruoth Nyasaye nochike.

Wuok 40:2

“Chieng’ due achiel mar due mokwongo, nyaka ichung Hema Maler, ma en Hemb Romo.

Isaya 33:24

Onge ng’at ma odak kuno ma nowach ni otuo, kendo richo mag ji man kuno nong’wonnigi.

Tim jo-Lawi 26:11

Analos kar dakna kuomu, kendo ok najuang’u.

Mathayo 16:18

To bende awachoni niya, In Petro, tiende ni lwanda. Ewi lwandani ema anagerie kanisana ma en kanyakla mar joma oyie kuoma, kendo kata mana tho ok noloye.

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Jo-Galatia 4:4

To kane ndalo mowinjore ochopo, Nyasaye nooro Wuode owuon. Wuodeno, dhako ema nonywolo, mi odak e bwo Chik Musa,

1 Timotheo 3:15

to kapo ni adeko, to baruani biro nyisi kaka jood Nyasaye onego owuothi. Jood Nyasaye en kanyakla mar joma oyie kuom Nyasaye Mangima, kendo e siro kod mise ma adiera oyiengoree.

1 Petro 1:5

Adier obiro ritou nyaka chop warruok, ma oselosi mondo oel e chieng’ giko, bi.

Fweny 21:3

Ne awinjo dwol maduong’ moa e kom maduong’ kawacho niya, “Koro Nyasaye osebiro dak gi ji! Obiro dak kodgi kendo ginibed joge. Nyasaye owuon biro bet kodgi, mi obed Nyasachgi.