Wuok 40:13 - MUMA MALER 2015

¹³ Eka irwak Harun gi lep dolo, kendo iwire gi mo, kiwale mondo obed jadolona.

Motingʼo Loko Manyien

¹³ Bangʼe rwak Harun gi lepe maler mag dolo, wire kendo wale mondo otina kaka jadolo.

Wuok 40:13 ပူးပေါင်းရင်းမြစ်များ

Wuok 28:41

Gigi imi Harun owadu gi yawuote, eka iwirgi gi mo, kendo iwalgi mondo gibed jodolona.

Wuok 29:7

Eka ikaw mor wir, iol e wiye kiwalego.

Wuok 40:14

Bang’ mano ikel yawuote machiegni, kendo irwaknigi kandhe.

Isaya 61:1

Roho mar Ruoth Nyasaye ni kuoma, nikech Ruoth Nyasaye oseyiera, mowira mondo aland wach maber ni joma odhier. Oseora mondo akue chuny jogo ma neno masira, bende mondo ahul ni joma omaki ni koro gin thuolo, kendo ahul ni joma otue ni koro ogonygi.

Tim jo-Lawi 7:35

Mano en lemo momi Harun gi yawuote kuom misengni miwang’o, chakre chieng’ mane oketgie jodolo mag Ruoth Nyasaye.

Tim jo-Lawi 7:36

Chieng’ mane owirgieno, Ruoth Nyasaye nogolo chik ni, jo-Israell nyaka mi jodolo migepego. Mano en chik momako jo-Israel nyaka chieng’.

Tim jo-Lawi 8:13

Eka nokelo yawuot Harun, morwakonigi kendhe, kendo otueyonigi okanda, mi osidhonigi kilemba, kaka Ruoth Nyasaye nochike.

Johana 17:19

Achiworani nikech gin, mondo gin bende gibed joma owalni kuom adiera.

Johana 3:34

Jal mane Nyasaye ooro wacho mana weche Nyasaye, nimar Nyasaye chiwo Roho mogundho, ma ok ong’wonyo lwete.

Jo-Hibrania 10:10

Wan to opwodhowa nikech Yesu Kristo nochiwo ringre owuon nyadichiel kende, kotimo mana gima ne Nyasaye dwaro.

Jo-Hibrania 10:29

To koro parieuru kum malit moloyo ma ng’at machayo Wuod Nyasaye onego yudi! Ng’at ma kamano osekawo remo mar singruok mane opwodhego ka gima nono, kendo osejaro Roho mar ng’wono!

1 Johana 2:20

Un ema Ng’ama Ler osewirou, omiyo un duto ung’eyo adiera.

1 Johana 2:27

Un to, Roho mane Kristo omiyou osiko kuomu, omiyo ok uchando ng’at mapuonjou gik moko duto, kendo puonj mare en adier, ma ok miriambo. Kuom mano, sikuru kuom Kristo mana kaka Roho osepuonjou.