Wuok 4:2 - MUMA MALER 2015

² Ruoth Nyasaye nopenje niya, “Mano ang’o miting’o e lwetino?” Nodwoke ni, “En luth.”

Motingʼo Loko Manyien

² Eka Jehova Nyasaye nopenje niya, “Mano en angʼo mantie e lwetino?” Musa nodwoko niya, “En luth.”

Wuok 4:2 ပူးပေါင်းရင်းမြစ်များ

Chakruok 30:37

Eka Jakobo nokawo kete moko mag yien mopogore opogore, mi nopoko kuonde moko e korgi, mondo igi marachar onen.

2 Ruodhi 4:2

Elisha nopenje niya, “Datim ang’o? Nyisa gima in go e ot.” Nodwoke niya, “Aonge gi gimoro, mak mana mo matin.”

Zaburi 110:2

Ruoth Nyasaye biro miyo lochni yarore chakre Sayun, kowacho niya, “Bed gi loch kuom wasiki.”

Wuok 4:17

Kaw ludhini, nikech en ema ibiro timo kode honni.”

Wuok 4:20

Mi Musa nokawo chiege gi nyithinde, kendo noketogi e kanyna, modok Misri, koting’o luth mane Nyasaye omiye.

Wuok 7:15

Dhiyo ire gokinyi, kodhi e aora Nael, mi irite e dho aora, kiting’o luth mane olokore thuolcha.

Wuok 7:9

“Kapo ni Farao owachonu ni mondo utimne ranyisi moro, to in Musa mondo iwachni Harun kama: ‘Bol ludhi piny e nyim Farao mondo olokre thuol.’ ”

Isaya 11:4

To nong’ad bura gi adiera ni joma odhier, kendo nochwak joma muol kaka owinjore. Dhoge ema nobed luth mogoyogo joma timbegi mono. Ee, wachne ema noneggo joricho.

Tim jo-Lawi 27:32

Bende chiayo mar apar ka chiayo mar apar mokalo e bwo ludh jakwath kokwanogi, nobed mowal ni Ruoth Nyasaye, bed ni gin dhok kata rombe.

Mika 7:14

A Ruoth Nyasaye, rit jogi miseyiero, kaka jakwath kawo luth, kendo kwayogo jambe. Gidak mana kendgi e thim, ka piny momew olworogi koni gi koni. To we mondo gikwa e lege mag Bashan gi mag Gilead, kaka ne gitimo chon.