Wuok 4:12 - MUMA MALER 2015

¹² Emomiyo koro dhiyo! Anakonyi wuoyo, kendo ananyisi gima onego iwachi.”

Motingʼo Loko Manyien

¹² Omiyo koro dhiyo, abiro konyi e wuoyo bende abiro puonji gima onego iwachi.”

Wuok 4:12 ပူးပေါင်းရင်းမြစ်များ

Zaburi 105:26

Bang’e ne ooro jatichne Musa, kod Harun mane oseyiero.

Zaburi 143:10

Puonja mondo atim gik mam idwaro, nimar in e Nyasacha. Onego Roho mari bedna mang’won, mi telna e yoo mokue.

Zaburi 32:9

Kik ibed momemore ka faras kata ka nyumbu, ma nyaka tue dhoge gi rateke kod tol, eka chikego e yo.”

Wuok 3:12

Nyasaye nodwoke niya, “Anabed kodi, kendo kisegolo ji Misri, to unulama e godni. Mano nobed ranyisi ni an ema aseori.”

Wuok 4:13

To Musa ne pod odagi, ka kwero Ruoth Nyasaye niya, “Ruoth, kiyie to or ng’at moro nono mihero.”

Wuok 4:15

En ema iwuo kode, kinyise gima onego owachi. Abiro konyou wuoyo, kendo nyisou gima onego utim.

Wuok 4:16

Harun biro wuoyo gi ji kari, nimar en ema nobedni ka dhogi, to in ema nibedne ka Nyasaye, kinyise gima onego owachi.

Isaya 49:2

Ne opiago lewa, modoko liganglane mabith, kendo ne opanda e tipo mar lwete. Ne otima asere moywe maler, kendo ne opanda e olalone.

Isaya 50:4

Ruoth Nyasaye osemiya lep mar puonj, mondo ang’e kaka anyalo hoyo ng’at ma ojony. Opiago ita mabith gokinyi pile pile, ni mondo achik ita ka ng’at mipuonjo.

Jeremia 1:9

Bang’e Ruoth Nyasaye notero lwete, momulo dhoga, kowachona niya, “Eri, aketo wechena e dhogi.

Kwan 16:28

Musa nowacho nigi niya, “Ubiro ng’eyo ni Ruoth Nyasaye ema noora mondo atim gigi duto, to ok ni aketora awuon.

Mariko 13:11

Ka gimakou mi giterou e bura, to kik uparru ni gima duwachi, to wachuru awacha gima omiu e sanogono, nikech weche ma ubiro wacho ok mau, to gin mag Roho Maler.

Luka 11:1

Chieng’ moro Yesu ne lemo kamoro, to kane otieko lemo, japuonjrene moro nokwaye ni, “Ruoth, puonjwa lemo kaka Johana nopuonjo jopuonjrene.”

Johana 14:26

to Jakony, ma en Roho Maler ma Wuoro biro ooro e nyinga, nopuonju gik moko duto, kendo nomi upar weche duto ma asewachonu.

Jo-Efeso 6:19

An bende lemnauru mondo ka awuoyo, to Nyasaye omiya wach ma onego awachi, mondo awuo gi chir, ka ahulo Wach Maber mosebedo wach mopondo,

Rapar mar Chik 18:18

Abiro yieronigi janabi kaka in, kuom ogandagi giwegi. Abiro keto wechena e dhoge, kendo enowachnigi weche duto ma achike.