Wuok 4:10 - MUMA MALER 2015

¹⁰ Musa nowacho ni Ruoth Nyasaye niya, “Ruoth kiyie; ok an ng’at mong’eyo wuoyo e nyim ji, kata mana sani, ma koro isewuoyo kodani, pod an mana kamano. Lewa pek, kendo aywayo wach.”

Motingʼo Loko Manyien

¹⁰ Musa nodwoko Jehova Nyasaye niya, “Yaye Ruoth Nyasaye, ok asebedo ngʼat ma wuoyo kalewe yot chakre chon kata e sa misebedo ka iwuoyo kod misumbani. Lewa pek kendo aywayo wach.”

Wuok 4:10 ပူးပေါင်းရင်းမြစ်များ

Ayub 12:2

“Adier, un e jodongo ma ok riw gi kiawa, kendo ka utho, to rieko bende olal.

Wuok 3:11

Musa to nowacho ni Nyasaye niya, “An to an ng’a, ma dadhi ir Farao kendo agol jo-Israel e piny Misri?”

Wuok 4:1

Musa nodwoko Ruoth Nyasaye niya, “Ok gibi yie, kata winjo gima awacho, to gibiro mana wachona ni, ‘Ruoth Nyasaye ne ok ofwenyoreni.’ To koro abiro timo ang’o?”

Wuok 6:12

To Musa nodwoko Ruoth Nyasaye ni, “Ka jo-Israel ema ok nyal winja, Farao to diwinja nadi, an ng’at maywayo wachni?”

Wuok 6:30

To Musa nodwoko Ruoth Nyasaye niya, “Ing’eyo ni an ng’at maywayo wach, to ere kaka Farao diwinj wachna?”

Jeremia 1:6

Eka nadwoke niya, “A Ruoth Nyasaye, ok ang’eyo wuoyo, nikech pod atin.”

Mika 6:4

Nene agolou e piny Misri, kendo aresou e tich bedo wasumbni, Ne aoro Musa gi Arun kod Miriam mondo otelnu.

Tich Joote 7:22

Musa nopuonjore rieko duto mag jo-Misri, kendo nodoko ng’at maratego kuom wechene gi tichne.

2 Jo-Korintho 10:10

Ng’ato nyalo wacho niya, “Paulo ndiko barupe mager, kendo ma oting’o weche mapek, to en owuon ka en kodwa to oyomyom, kendo ok ong’eyo wuoyo.”

2 Jo-Korintho 11:6

Nyalo bet ni ok alony kuom wuoyo, to rieko to an-go! Mano e gima wasenyisou kinde duto e nyim ji duto.